Elimizde lańkestik áreketterdiń jıilep ketýine baılanysty áskerı bólimder tipti ıtterdiń de daıyndyǵyn kúsheıtip jatyr. Shymkent túbinde «Ońtústik» aımaqtyq áskerı basqarmasy tóbetter arasynda tyǵylǵan adamdardy taýyp qana qoımaı, tipti alǵash ret jasyrylǵan jarylǵysh zatty tabýdan da jarys uıymdastyrdy, - dep habarlaıdy Qamshy.kz KTK arnasyna silteme jasap. 

Kóp qudyqtyń ishinen lańkesti sanaýly ýaqytta tabý, birneshe jáshiktiń ishinen qas-qaǵym sátte esirtkini anyqtaý úshin 27 tóbet tartylǵan. Deni nemis ovcharkasy bolyp keletin ıtterdiń eń jasy 1-de bolsa, keıbiri talaı qylmystyń betin ashyp júrgen ákkileri eken. Búgin bastalǵan baıqaýǵa tipti balalar úıiniń tárbıelenýshileri de qaraýǵa múmkindik aldy. Bir apta ishinde birneshe áskerı bólimniń qyzmetkerleri tájirıbe almasyp, túrli oqys oqıǵalardyń aldyn alýdy úırenemiz dep otyr.

-Sońǵy ýaqytta elimizde oqys jaǵdaılar jıilep ketti. Soǵan baılanysty iz kesýshi ıtterdiń jattyǵýyn da kúsheıtip jatyrmyz. Mysaly, tájirıbemizde alǵash ret tóbetterge jarylǵysh zattardy tabý aılasyn úıretip júrmiz, - deıdi baıqaýdyń bas tóreshisi Maksım Popov.