Aıyrbas baǵamynyń ózgerýine sebep joq. Osylaısha QR Ulttyq bank tóraǵasy aqparat quraldarynda ulttyq valúta baǵamynyń dollarǵa qatysy aıtarlyqtaı álsireýi týraly jarıalanǵan boljamdaryna qatysty pikir bildirdi, - dep habarlaıdy Qamshy.kz Tengrinews.kz - ke silteme jasap.

"Qazirgi ýaqytta teńgeniń baǵasy elimizdegi syrtqy jáne ishki jaǵdaılarǵa jaýap retinde ózgerip otyr. Aqsha-kredıt saıasatynda da teńgerimsizdik baıqalmaıdy. Aıyrbas baǵamy aıtarlyqtaı ózgeredi dep aıtýǵa eshqandaı negiz joq", - dedi Ulttyq banktiń tóraǵasy.

Sonymen qatar, ol Ulttyq banktegilerdiń aıyrbas baǵamynyń erkin aýytqý saıasatynyń aıasynda baǵamǵa eshqandaı shekteý qoımaıtynyn aıtty. "Ulttyq banktiń operasıalary aýqymdy ózgerister men turaqsyzdyqqa shekteý qoıýǵa baǵyttalǵan. Qazir munaıdyń baǵasy barreline 40 dollar bolyp tur. Al teńgeniń rúblge qatysy 4,6-dan 5,3 teńgege deıin álsiredi. Osy jaǵdaılarda ulttyq valúta baǵamy saqtalady. Eger de munaıdyń baǵasy barreline 35 dollardan tómen bolsa jáne rúbl barreline 70 dollardan asyp ketse, teńgeniń baǵamy ózgerýi múmkin", - dep túsindirdi Danıar Aqyshev.

Eske salaıyq, osyǵan deıin Ulttyq bank tóraǵasy Nazarbaevqa teńgeniń álsireý sebebin aıtyp bergen bolatyn. Kezdesý barysynda Danıar Aqyshev Elbasyna Ulttyq banktiń aǵymdaǵy qyzmeti, aqsha-nesıe saıasatynyń basty baǵyttary týraly, sonymen qatar eldiń qarjy naryǵyndaǵy ahýal týraly baıandady.