Shymkentte polıseıler taıaýda joǵalǵan 16 jastaǵy Aıdana Qahraman tapty, - dep habarlaıdy Qamshy.kz Tengrinews.kz - ke silteme jasap.

Bul týraly OQO İİD baspasóz qyzmeti habar taratqan.

Ony izdestirýge Shymkent qalalyq İİB ál-Farabı aýdandyq polısıa bóliminiń jeke quramy túgeldeı jumyldy. OQO İİD-niń barlyq bólimshesine Aıdana Qahraman qaıda ekenin anyqtaý maqsatynda baǵyttama taraldy.   

"Búgin, 4 tamyzda jedel-izdestirý sharalarynyń barysynda Shymkent qalalyq İİB ál-Farabı polısıa bóliminiń qyzmetkerleri iz-tússiz joǵalǵan Aıdana Shymkent qalasyndaǵy qurbysynyń úıinen aman-esen tapty. Tártip saqshylary 16 jastaǵy qyzdy ata-anasy jetkizdi", - delingen habarlamada. 

Qazirgi ýaqytta polıseıler qyzdyń nelikten joǵalǵanyn anyqtap jatyr. Tekseris júrip jatyr. 

Eske salaıyq, 2016 jyldyń 31 shildesinde Shymkent qalalyq İİB ál-Farabı aýdandyq polısıa bólimine 1975 jylǵy jergilikti turǵyn habarlasyp, kámelet jasyna tolmaǵan qyzynyń joǵalǵanyn málimdegen edi. Aıdana Qahraman 28 shildede shamamen saǵat 14.00-de úıinen shyǵyp ketip, oralmaǵan.