Respýblıkalyq «Jas Alash» gazetiniń qyzmetkerleri Almaty qalasy Áýezov aýdandyq İİB qyzmetkerleriniń áreketine shaǵymdanyp, sotqa aryz túsirdi , - dep habarlaıdy Qamshy.kz Azattyqqa silteme jasap.

21 mamyr kúni respýblıka aýmaǵynda ótken Jer reformasyna narazylyq aksıasy kezindegi aýdandyq polısıa basqarmasynyń qyzmetkerleriniń áreketine «Jas Alash» respýblıkalyq gazetiniń qyzmetkerleri Sansyzbaı Moldasanov, Asylhan Ábdiraıym men Qýanysh Nurdanbekuly shaǵym túsirgen.

Jýrnalıser shaǵymy boıynsha Áýezov aýdandyq sotynda búgin ótýi tıis bolǵan sot otyrysy polısıa ókiliniń «sotqa daıyn emestigine» baılanysty 16 tamyzǵa qaldyryldy.

«Jas Alash» qyzmetkerleriniń advokaty Gúlnar Jýaspaeva sondaı-aq, sýdıadan jaýapty tarap retinde qalalyq İshki ister departamentin de tartýdy suraǵan. Advokattyń ol ótinishi de kelesi sot otyrysynda qaralatyn boldy.