Túrkıa astanasynda QR Prezıdenti Nursultan Nazarbaev pen Túrkıa Prezıdenti Rejep Taıyp Erdoǵannyń ekijaqty kezdesýi bastaldy, - dep habarlaıdy Qamshy.kz QazAqparatqa silteme jasap.

Kezdesý barysynda  saıası, saýda-ekonomıkalyq yntymaqtastyq máselelerin keńinen talqylaý josparlanǵan, sondaı-aq túrki tildes memleketterdiń Yntymaqtastyq keńesiniń qyzmeti talqylanady.

Bizdiń Memleket basshysyn óz rezıdensıasynda Rejep Taıyp Erdoǵan qarsy aldy. Dástúr boıynsha eki eldiń Ánurany oryndaldy, sondaı-aq qurmetti qonaqty qarsy alý rásimine qurmetti qaraýyl rotasy qatysty.

Sodan keıin Memleket basshylarynyń ekijaqty kezdesýi bastaldy, odan soń keńeıtilgen quramda kelissózder ótedi. Túrkıaǵa qazaqstandyq delegasıa ishinde QR Premer-Mınstriniń birinshi orynbasary Baqytjan Saǵyntaev, QR Syrtqy ister mınıstri Erlan Ydyrysov, QR Investısıa jáne damý mınıstri Jeńis Qasymbek, QTJ basshysy Asqar Mamın jáne basqa da resmı tulǵalar qatysty.

Atap ótsek, búgin bizdiń Memleket basshysynyń Túrkıa Respýblıkasyna resmı sapary bastaldy. Nursultan Nazarbaev osy elde memlekettik tóńkeris jasaý áreketinen keıin Túrkıaǵa kelgen alǵashqy Prezıdent boldy.