QR Premer-Mınıstri Kárim Másimov búgin Pavlodar oblysyna jumys sapary barysynda Jastar bastamalary ortalyǵynda stýdenttermen jáne jumysshy jastarmen kezdesti, - dep habarlaıdy Qamshy.kz QazAqparatqa silteme jasap.

Úkimet basshysynyń kezdesýi «suraq-jaýap» túrinde ótti. Sonymen birge, sóz sóılegender ózderiniń jobalary jáne qoǵamdyq isteri týraly áńgińmeledi.

Kárim Másimov Pavlodar memlekettik ýnıversıtetiniń stýdentteri startap aýqymynda qymyzdan balmuzdaqtyń biregeı reseptisin jasaǵanyn estigende: «Qymyzdan balmuzdaq?», - dep qaıtalap surady da: «Mundaı da bar ma? Dámin tatyp kórý kerek eken»., - dedi.

Bul joba jaıynda Premer-Mınıstrge onyń  avtorlarynyń biri Nurǵıza Kalımova aıtyp berdi.

K.Másimov jınalǵandarǵa qarata aıtqan sózinde QR Bilim jáne ǵylym mınıstri Erlan Saǵadıev te kezinde startapshy bolyp eńbek jolyn bastaǵanyn, balmuzdaq satqanyn aıtty. Odan keıin mine mınıstr bolyp otyr. «Sizder de osylaı isteı alasyzdar»...», - dep atap ótti Premer-Mınıstr.