Almatydaǵy árbir qoǵamdyq kólik júrgizýshisi dıspecherlerdiń qatań baqylaýynda bolady, - dep habarlaıdy Qamshy.kz 24.kz - ke silteme jasap.

Kólik holdıńindegi mamandar qatty jyldamdyqpen júrgen, aıaldamalarda jolaýshylarǵa toqtamaı ketken nemese tıisti jumys kestesin buzǵan avtobýs júrgizýshilerine telefon arqyly eskertý jasap otyrmaq. Mundaı júıeni júzege asyrý úshin jergilikti búdjetten 80 mln teńge bólingen. Buǵan deıin de dıspecherler elektrondy karta arqyly ár qoǵamdyq kóliktiń qozǵalysyn baqylap, ereje buzýshylardy tirkep otyratyn. Jańa joba avtobýs júrgizýshileriniń jumysyn retteýge múmkindik beredi.

- Búgingi kúnde bizde 8 marshrýt, 150-ge jýyq avtobýs bul júıege qosyldy. Tamyz aıynyń aıaǵyna deıin búkil Almatydaǵy 18 tasymaldaýshynyń 1500-den astam avtobýsyn osy júıege qosamyz dep josparlap otyrmyz. Júrgizýshiniń kómekshisi degen arnaıy qurylǵy bolady. Ol avtobýstarda ornatylǵan. Ol qurylǵydan avtobýs júrgizýshisi eshqandaı qımyl jasamaı-aq dıspechermen tikeleı sóılese alady. Jańǵyryq daýys arqyly, - deıdi qalalyq jolaýshylar kóligi jáne avtomobıl joldary basqarmasynyń basshysy Maqsut Isahov.