QR prezıdenttigine eks-kandıdat, qoǵam qaıratkeri Ǵanı Qasymov óziniń jýynyp shyqqannan keıingi fotosyn jelide jarıalaýy Qaznette qyzý talqylandy. Instagram paraqshasyna júktelgen fotosynan keıin 66 jastaǵy saıasatkerge áıelder qaýymy pikirdi úıip tókken.
Ǵanı Qasymov Informburo.kz tilshisine osy jaıtqa qatysty suhbat berdi, - dep habarlaıdy Qamshy.kz.
Bul sýretke túserdiń aldynda saıasatker dostarymen baseınde bolǵan. Ol sodan keıin kıinetin bólmede selfı jasaǵan. Ol bul áreketimen qoǵamdyq moraldy buzdym dep sanamaıdy.
«Qazir 60 jastan asqan erler jappaı sherýge shyqqandaı. Mysaly, Pýtın myrza kólikte jáne balyq aýlaǵanda jalańash otyra beredi. Italıalyq bir mılıoner jubaıymen birge ıahtada bıleı beredi, al bizdi bári úndemeıdi» - deıdi Ǵanı Qasymov.
Ǵanı Qasymov áleýmettik jelide fotosyna teris pikir aıtqandardyń bárine jaýap berdi.
«Birinshi kezekte ne úshin talqylaıdy? Mundaı jasta ózin-ózi osylaı ustaýyn aıtady. Aıtatyn eshteńesi joq, men jigittermen baseınge tústim, onda bári ish kıimmen bolady, - dedi Ǵanı Qasymov. – Al men bul fotoda shtanda boldym. Er adam ish kıimde bolǵanda áıelder úırenshikti jaǵdaı emes dep jaza bastaıdy. Úırenshikti bolmaıtyndaı nesi bar? Men kıinetin bólmede boldym. Jarty álemge jar salatyndaı eshteńesi joq. Qyzdar da, jigitter de ish kıimmen júredi. Al men shtanmen júrip, synǵa iliktim. Bul meniń kóńilimdi kóterdi, árıne. Endi bir jaǵynan saıasatker munsha sheshinbeý kerek dep jatyr. Biraq men úsh jyldan beri zeınettemin ǵoı», - deıdi Qasymov.
Ǵanı Qasymovtyń aıtýynsha, jaǵymsyz pikirlerdiń basym bóligi er adamdar tarapynan jazylypty. Erderdiń jaǵymsyz pikirleri olar ózindeı jaqsy formada saqtalmaǵandyqtan shyǵýy múmkin dep topshylaıdy saıasatker. Qoǵam qaıratkeri ári saıasatkerdiń aıtýynsha, ol qazir dene bitimin arnaıy kútpeıtin kórinedi, biraq jas kezinde sporttyq jattyǵýlarmen kóp aınalysypty.
"Men jas kezimde KSRO-nyń eńbek sińirgen jattyqtyrýshysy Vadım Psarevpen birge klasıkalyq kúrespen aınalysqam, - deıdi Ǵanı Qasymov. – Sosyn Máskeýge ketip, jattyǵýmen aınalysýdy tastadym. Biraq uzaq jyldar boıy fızıkalyq jaıly jaǵdaıda boldym, azdap bokspen aınalystym. Qazir dostarymyzben birge taýǵa baryp turamyz. Men ózimmen jastylardy densaýlyqqa kóńil bólýge shaqyramyn", - deıdi saıasatker.
Qasymovtyń sýretine pikir qaldyrýshylar onyń jalańash keýdesinde kórinip turǵan masondyq sımvol sıaqty zatty da synǵa aldy. Saıasatker onyń eshqandaıda qoǵamdyq qupıasy joq ekenin aıtady. Ol oǵan 16 jyl buryn balalary syılaǵan qarapaıym tumar eken.
«Bul men úshin baǵasyz qymbat zat, balalarym 50 jasyma syılaǵan syılyq, - dep túsindirdi Ǵanı Qasymov. - Bul buıym Qazaqstan zergerler odaǵynyń tóraǵasy Ilás Súleımenovtiń týyndysy. Bul biregeı týyndy" degen qoǵam qaıratkeri munyń eshqandaı da masondyq sımvol emes ekenin aıtady.
Qasymovtyń bul fotosy Qaznette túrli «nú» stılende tarap ta úlgerdi. Mysaly, gangster-reperdiń obrazy.
Halyq Uıatmeniniń beınesin jasaýshy sýretshi Murat Dilmanov kezekti karıkatýrasyn saldy.
Al Feısbýk qoldanýshysy Rýslan Túsipbekov Qasymovtyń jalańash keýdemen túsken fotosyn jartylaı jalańash jarnama jasaǵan Ásel Baıandarovamen qatarlastyryp qoıdy.
Saıasatker ári qoǵam qaıratkeri Instagram jelisiniń arqasynda el nazaryna jıi kórinip qalady: saıasatker onda túrli obrazdarǵa enedi.
