Qurlyqtyq hokeı lıgasyna endi qosylǵan «Kýnlýn Red Star» komandasy Astanada QR Prezıdenti Kýbogi úshin jarysta «Barys» komandasyna qarsy oınaýdan bas tartty, - dep habarlaıdy Qamshy.kz ult.kz-ke silteme jasap.

Beıjińnen kelgen hokeıshiler men jergilikti «Barys» arasyndaǵy kezdesý jappaı tóbelesten bastaldy. Saldarynan «Barys» klýbynyń eki hokeıshisi Damır Ryspaev pen Madıar Ibraıbekov macht sońyna deıin shettetildi. Óz kezeginde, tóbeleste qatty soqqy jegen qytaılyq "Kýnlýn Red Star" komandasyna machty ary qaraı jalǵastyrýdan bas tartqany úshin 5:0 esebimen jeńilis jazyldy.

Osylaısha, astanalyqtar Dastın Boıd úshin ese qaıtarǵanǵa uqsaıdy. Este bolsa, 5 tamyzda «Barys» komandasynyń shabýylshysy Dastın Boıd "Kýnlýn Red Star" hokeıshilerine qarsy bolǵan oıynda aıaǵyn syndyryp alǵan bolatyn. Sol oıynda dórekilikpen erekshe kózge túsken qytaılyqtar jeńiske de jetken edi. Osynyń kesirinen «Barystyń» 41-shi nómirli oıynshysy 4 aıǵa deıin jarys jolynan shyǵyp qaldy.