Óskemen aımaqtyq týrızmdi damytý baǵdarlamasy boıynsha kórshi Qytaıdan kelgen qonaqtardy kútip aldy. Bul - QR Investısıalar jáne damý mınıstrligi men QHR Týrızm isteri boıynsha memlekettik basqarmasy arasynda jasalǵan Qytaı azamattarynyń Qazaqstanǵa toptyq týrısik saparlaryn ońaılatý kelisiminen keıin kelgen qytaı týrıseriniń alǵashqy toby, - dep habarlaıdy Qamshy.kz QazAqparatqa silteme jasap.

Ońaılatylǵan toptyq vızamen ushyp kelgen qytaılyq týrıserdi saltanatpen qarsy aldy. Aspanasty eliniń turǵyndary úshin úlken mádenı baǵdarlama jasalǵan. Oblys aýmaǵynda ótkizetin úsh kún ishinde qonaqtar at úıretetin orynǵa, mýzeılerge baryp, qazaqtyń dástúrli turmysymen tanys bolady jáne kallıgrafıa boıynsha sheberlik saǵattaryna qatysady. Alǵashqy qytaılyq týrıser úshin «Tıtan» asyl tuqymdy jylqy zaýytyna, Sol jaǵalaý mýzeı-qoryǵyna, «Bagratıon» sharýashylyq qojalyǵyna ekskýrsıa jasalady. 

Alǵashqy týrısik sapardy shyǵysqazaqstandyq «Premer-týr» týrısik operatory uıymdastyrdy. 

Búgin tańerteń qytaılyq týrıser Vınnoe aýylyndaǵy jabyq at sporty ornyna bardy. Qonaqtar asyl tuqymdy jylqy túrlerimen: Orlov jelisti jylqysy, aǵylshyn salt aty, arabtyń taza qandy jylqylarymen tanys boldy, olardyń arasynda halyqaralyq jarystardyń júldegerleri bar. Qytaılyq kórermenderge ulttyq salt-dástúrimiz kórinis tapqan «Ǵasyrlar boıy at ústinde» tarıhı spektakli qoıyldy. 

Kúnniń ekinshi bóligin qytaılyq týrıser toby Shyǵys Qazaqstan oblystyq tarıhı-ólkentaný mýzeıinde ótkizedi. Onda týrıserdi kallıgrafıa sabaqtary, jas jaýynger kýrsy jáne maıdan ánderiniń karaokesi qarsy almaq. 

Týrızm basqarmasynyń habarlaýynsha, mundaı saparlar aımaqtyq týrızmniń damýyna jáne Shyǵys Qazaqstannyń kórikti jerleriniń qytaı týrıseriniń nazaryna iligýine septigin tıgizedi.