«Euobserverdiń» habarlaýynsha, Túrkıanyń EO isteri jónindegi mınıstri Omar Chelık respýblıkanyń antıterrorlyq zańnamalarǵa ózgerister  engizýge múddeli emestigin málimdegen, - dep habarlaıdy Qamshy.kz.

Onyń sózinshe EO talap etip otyrǵan zańnamaǵa ózgerister engizý jaqyn bolashaqta múmkin emes.

«Bizde terrorlyq áreketter jasap jatqan Kúrdistan jumysshylar partıasy, «Islam memleketi» jáne basqa da toptar bar, sondyqtan zańǵa qazir ózgerister engizý aqymaqtyq bolady», - deıdi mınıstr.

Basylymnyń habarlaýynsha, Túrkıa úkimeti terorızm uǵymyn 15 shildedegi sátsiz tóńkeristen keıin opozısıa ókilderin jazalaý úshin keń maǵynada qoldanǵan. Buǵan deıin el basshysy Redjep Erdoǵan EO vızasyz rejım boıynsha óz mindetterin oryndamasa, Túrkıa men Eýropalyq Odaq arasyndaǵy mıgrasıalyq kelisimniń «múmkin bolmaıtyndyǵyn» málimdegen edi.