Memlekettik bilim berý granttarynyń sany boıynsha ál-Farabı atyndaǵy Qazaq ulttyq ýnıversıtetti dástúrli túrde birinshi orynǵa ıe boldy,- dep habarlaıdy Qamshy.kz.

Bıyl ulttyq ýnıversıtette bakalavrıatta 3071 stýdent memlekettik grant negizinde bilim alady. Olardyń kóbi «Altyn belgi», erekshe atestat ıegerleri, halyqaralyq jáne respýblıkalyq olımpıadalardyń jeńimpazdary.

Bıylǵy oqý jylynda talapkerler mamandyq tańdaýda gýmanıtarlyq jáne jaratylystaný-matematıkalyq baǵytyna basymdyq bergen. Radıotehnıka, elektronıka jáne telekomýnıkasıa, aqparattyq júıeler, avtomattandyrý jáne basqarý, bıotehnologıa, aýdarma isi, halyqaralyq qatynastar, zań, qarjy, esep jáne aýdıt, ekonomıka jáne halyqaralyq quqyq mamandyqtaryna suranys joǵary.

Halyqaralyq joǵary talaptarǵa saı zamanaýı bilim berý baǵdarlamalary, bilim berýdiń ozyq tehnologıalary, ınfraqurylymy damyǵan biregeı stýdenttik kampýs pen belsendi stýdenttik ómir jastarǵa sapaly bilim alyp, ózderiniń shyǵarmashylyq múmkindiktrin júzege asyrýǵa jol ashpaq.

JOO jalpy ulttyq reıtıńinde kósh bastap turǵan QazUÝ Qazaqstan JOO arasynda birinshi bolyp álemniń tehnologıalyq damyǵan eń úzdik 50 jáne álemniń eń úzdik 300 ýnıversıtetiniń tizimine endi. Atalmysh kórsetkish álemdik deńgeıdegi zertteý ýnıversıtetine aınalǵaly otyrǵan oqý ordasy úshin tańdaǵan baǵytyń durystyǵynyń dáleli.

Jumys berýshilerdiń QazUÝ túlekteriniń kásibıligin joǵary baǵalaýy ulttyq ýnıversıtet úshin erekshe maqtanysh. Túlekterdiń suranysqa ıe tabysty maman bolýy ýnıversıtet qyzmetiniń negizgi kórsetkishi.