Almatynyń irgesindegi «Asyl Arman» turǵyn úı kesheniniń turǵyndary ýly gazdan tunshyǵyp jatyrmyz dep shaǵymdanyp otyr. 20 myńǵa jýyq adam betterine medısınalyq maska kıip júrýge májbúr. Búgin jergilikti jurt, jaǵdaıdy rettep bere almaı júrgen ákimge ýly gaz taralǵan aýmaqqa kelip túnep qaıtýdy usyndy, - dep habarlaıdy Qamshy.kz 31-arnaǵa silteme jasap.
Sherhan Esirken Asyl Arman turǵyn úı keshenine boı kótergende-aq kóship kelgen. Asyl armanym oryndaldy degen jigit búgin kórshileriniń barlyǵyna mynadaı medısınalyq betperdeler taratyp júr. Onyń sebebi de joq emes. Turǵylyqty jerde aýa lastanyp ketken. Mamandar jasaǵan saraptamaǵa sáıkes bul aýmaqta metan 22, amıak 9, al kúkirttikómirtek normadan 740 ese asyp ketken.
SHERHAN ESİRKEN, «Asyl Arman» turǵyn-úı kesheniniń turǵyny:
- 500 metr jerde qoqys tastaıtyn kólshikter bar. Sonda ózderiniń qaldyqtaryn qaǵaz zaýyty jáne Abaı aýylynyń turǵyndary tastap ketedi. Eki tarapqa da biz eskertý jasaǵanbyz. Alaıda qulaqtaryna da qystyrmaı qoıdy.
Qaǵaz shyǵaratyn zaýyttyń máseleden habary bar. Tipti «iske qatysymyz joq» dep at tondaryn ala qashpady da. Bİraq halyqty ýlap, sasyq ıistiń taralýy qaǵaz qaldyqtarynan bolýyna kúmánmen qaraıdy.
IýRII ERMAKOV, «Kagazy Recycling» JSHS tehnıkalyq departamentiniń jetekshisi:
- Zaýyt 2001 jyldan beri jumys istep keledi. Qoqys tógetin oryndar bizge qus fabrıkasynan qalǵan bolatyn. Qaldyqtar sol ýaqyttan beri tastalyp keledi. Jasyrmaımyn. Alaıda, onda biz hımıkat, bolmasa ýly zattar tastamaımyz.
«Asyl Arman» turǵyn úı keshenin turǵyzarda bul qaldyq tastaıtyn orynnyń nelikten eskerilmegeni belgisiz degendi tilge tıek etti kompanıa qyzmetkeri. Sondaı-aq 15 jyldan beri jasap kelgen jumysymyzdy ári qaraı da jalǵastyratyn bolamyz deıdi olar. Bul tusta jergilikti turǵyndardyń kompanıa basshylyǵyna jáne Qarasaı aýdanynyń ákimshiligine aıtary bar.
SHERHAN ESİRKEN, «Asyl Arman» turǵyn-úı kesheniniń turǵyny:
- Myna kisiler turǵan jerge Qaǵazy Resaılıng jáne Qarasaı aýdany ákimin shaqyryp, olarǵa kıiz úı tigip bermekshimiz. Olar osynda kelip, turyp kórsin. Biz jutyp júrgen aýany jutyp, sasyq ıisti sezssin. Eger barlyǵy taza dep oılasa kelip tursyn. Aldaǵy eki aptada másele sheshilmese kıiz úıdi osynda tigip qoıamyz.
Jergilikti jurt másele aldaǵy eki aptada sheshilmese, ákim men kompanıa basshylaryna arnaıy shaqyrtý jiberemiz deıdi. Ne ákim kelip qonyp qaıtsin, ne aýa tazarsyn degenderge bıliktegiler áli jaýap bermedi.
