2016 jylǵy 27 shildede www.qamshy.kz saıtynda «Jazasyn ótep shyqqan jigit túzeý mekemesinde ýahhabılik ádebıetterge tyıym salynbaǵanyn aıtady» degen taqyryppen jarıalanǵan maqalaǵa Qazaqstandaǵy túzeý mekemelerine jaýapty İİM qylmystyq-atqarý júıesi komıtetiniń baspasóz qyzmetinen resmı jaýap keldi. Oqyrmandarǵa ókiletti organnan kelgen hat mátinin tolyq nusqasynda usynyp otyrmyz.
«2016 jylǵy 27 shildede www.qamshy.kz saıtynda Darhan Muqanteginiń avtorlyǵymen shyqqan Almaty oblysy boıynsha QAJ departamenti Zarechnyı kenti LA-155/14 mekemesiniń sottalǵandarǵa arnalǵan kitaphanasynda dástúrli emes dinı mazmundaǵy ádebıet bar týraly maqala jarıalanǵan.
Atalǵan ádebıetter rasynda mekemeniń kitaphana qorynda boldy jáne 2013 jyly tárkilendi.
Respýblıkanyń qylmystyq-atqarý júıesi mekemeleriniń aýmaǵyna dinı ádebıetti jáne dinı mazmundaǵy ózge aqparattyq materıaldardyń kirý máselesi 2014 jylǵa deıin zań júzinde rettelmegen.
2014 jyldan bastap QAJ mekemesiniń aýmaǵyna dinı ádebıetterdi kirgizý máselesi qylmystyq-atqarý júıesi mekemesine dinı ádebıetterdiń kelip túsý tártibi týraly Mınıstrdiń buıryǵymen retteldi.
Mundaı ádebıetter mindetti túrde Din isteri komıtetiniń dintaný saraptamasynyń qorytyndysyn alady.
Sonymen qatar, 2014 jylǵy 5 shildedegi Qazaqstan Respýblıkasy Qylmystyq-atqarý kodeksiniń 13-babyna sáıkes jazany oryndaıtyn mekemeler men organdardyń aýmaǵynda ǵıbadat úılerin (qurylystaryn) salýǵa tyıym salynady.
Qazirgi kezde barlyq qolda bar qylmystyq-atqarý júıesiniń mekemelerinde dinı mazmundaǵy ádebıet baqylaýǵa alyndy, sottalǵandardyń ony paıdalanýlary qylmystyq-atqarý zańnamasynyń normalaryna qatań sáıkestikte júrgiziledi».
QR İİM QAJK baspasóz qyzmeti
