Bet-aýyzyń byt-shyt bop judyryqtasyp, alysyp-julysyp, tebisetin sport túrlerinen góri tóreshilerge táýeldiligi de, shyǵyny da azdaý sport túrlerin kóbirek damytý kerek qoı. Máseleńkı, badmınton, batýtta sekirý de olımpıada oıyny eken. Qalada ne kóp batýt kóp, sekirip júrgen bala kóp)). 
Sýda júzý she? Felps degen júzgish bir ózi tórt-bes jarysqa qatysyp, Qazaqstannnan barǵan júz sportshynyń altynyn jalǵyz ózi alyp júr. Balqashty olaı da, bulaı da júzip ótetin bizdiń balalar barsa tym bolmasa bireýin alar edi Balandın sıaqty. Bir adamdy aparasyń tórt-bes jarysqa qatystyrasyń. 20 kún tóbelesip, fınalǵa shyqqanda tóreshilerdiń aýyzyna qarap otyrmaısyń. 

Álgi qaıyq esip, parom tasyp júrgen qara kúshtiń ıeleri qaıda? Ertisten ary beri qaıyqpen óte salatyn qara baldar jelkendisi bar, jelkensizi bar qaıyq jarysqa nege barmaıdy?

Moıynǵa qoıyp, shyr aınalyp tas laqtyratyn sportty aıtpaı-aq qoıaıyq, tipti. Qazekem tas laqtyra almaı ma?

Qylyshtasýdyń úsh túri bar eken. Árqaısynan bir medal.

Júgirý, sekirý qoldan keletinin Ámın Tuıaqov, Ǵusman Qosanovtar qyryq jyl buryn dáleldegen. Rypakova degen bádendi kelinshek bardy da bir sekirip qumǵa bylq etip túsip, altynyn da, qolasyn da ala saldy. Qol-aıaǵy aman, fıgýrasy da uryp tur, densaýlyǵyna da, elge de paıdaly. Daý da, damaı da joq.

Myltyq atý bir tamasha sport. Tars etkizdiń bitti. Tıse tıdi, tımese eshkimge ókpelemeısiń. Olımpıadaǵa ysqyreep baryp qaıtasyń. Keıki mergenniń izbasarlary onda da joq. Sanjar Kerimbaydan ózge balasyna sadaq atqyzyp, olımpıadaǵa daıyndap júrgen eshkim kórmedim.

Balalarymyzdy osyndaı paıdasy kópteý, shyǵyny azdaý sportqa bereıik te. Estetıkalyq turǵydan da ádemi. Mıy shaıqalyp, kótenshegi aınalmaıdy, dopıngtiń de keregi shamaly.

Asylhan Mamashulynyń Feısbýktegi paraqshasynan alyndy