Biz qalasaq ta, qalamasaq ta, Reseıdi baqylaýymyz mindet qoı. Ondaǵy prosester, ózgerister bizge janama bolsa da lebi jetedi. Dýmada qabyldanǵan keıbir zańdar 3-4 aıdan soń 80-90% sol mátinde Májiliste qabyldanatynyn eskersek, Kremldiń Astanaǵa qanshalyqty qysym kórsetip, dikeńdeıtinin boljaý qıyn emes....
Reseıdegi sońǵy ishki ózgerister (syrtqysyn aıtpaǵanda) alǵa jyljýdan kóri KSRO-ǵa keri ketýdiń "sara" joly sekildi. Pýtın óziniń jeke ohrannıkterin 3-4 oblysqa gýbernator saılady, zammınıstr qyldy (Áıtpese, 143 mln halyqtan G.Gref sekildi ozyq oıly menedjerler tabylmap pa?).
"Iarovaıa paketi" degen zań antıterrorlyq dep atalǵanymen
- kúmándi degen kisilerdi shet elge shyǵýyn shekteıdi
- halyq alańǵa shyqsa, polısıaǵa oq atýǵa ruqsat beredi
- mobıldi operatorlarǵa ár abonenttiń sóılesken áńgimesin 3 jylǵa deıin saqtaýdy mindetteıdi (Totalnyı kontrol. KSRO-dan ne aıyrmasy qaldy???).
Sanksıadan kóz ashpaı, búdjetiniń túbi kórinip jatqanda, bul óz qorańdaǵy shópke solárka sepkenmen birdeı. Tek "Vympelkom" 2018j bastap 100 mln abonenttiń 317 mlrd mınýttyq áńgimesin 3 jyl qaı hard-dıskte saqtaımyn dep shashyn julaıyn dep otyr. MTS, Megafon sıaqty operatorlar zań talabyn oryndaý úshin birneshe trln rúbl qajet dep dabyl qaǵýda.
Jaqynda jańa bilim mınıstrin taǵaıyndady. Stalındi ulyqtap, óz shirkeýin ǵumyr boıy zerttegen áıel eken. Jasy 60-qa jaqyndaǵan. Qytaılar sýperkompúter jasaýda alǵa shyǵyp, Ilon Mask Dragon-yndy Marsqa jiberip, álemdegi eń úlken Solar city salaıyn dep jatqanda mundaı bekgraýndy bar jan Reseı ǵylymyn qalaı kóterer eken? Jaqynda reseılik ǵalymdar Irannyń ózi bizdiń deńgeıge jetti, toqyradyq dep nalyǵan edi.
Qysqasy, aýylda ishetin kórshisi bolsa, jurt alystan syılasady. Bizge de osydan artyq jol kórip turǵanym joq. Áıtpese, úlken keme sýǵa batsa, uıytqyp mańyndaǵylaryn áketetini bar...
Nurmuhamed Baıǵaraevtyń Feısbýktegi paraqshasynan alyndy
