Uzaq jyldar Peterbordaǵy Kýnstkamerada saqtalyp kelgen Keıki batyrdyń bas súıegi jaqyn kúnderi Qazaqstanǵa qaıtarylatyn boldy, - dep habarlaıdy Qamshy.kz 24.kz - ke silteme jasap.

Bul týraly QR Mádenıet jáne sport mınıstri Arystanbek Muhamedıuly men Reseıdiń Mádenıet mınıstri Vladımır Medınskıımen kezdesýi barysynda belgili boldy. 

Tarıhshylar joǵaryda atalǵan mýzeıde Keıki batyrdan ózge qazaqtyń taǵy jeti batyrynyń súıegi saqtalǵanyn aıtady. Keıinirek olardy da elimizge ákelip, arýlap jerleıtin bolady.

Reseıdiń Mádenıet mınıstri bul jádigerlerdiń qazaq halqy úshin, Qazaqstan tarıhy úshin qanshalyqty mańyzdy ekenin eskere otyryp, óz ǵalymdaryna atalǵan súıekterdi qaıta zerttep shyǵýdy tapsyrǵandaryn aıtty.

-Meniń oıymsha, biz bas-aıaǵy eki aptanyń ishinde bas súıekti Qazaqstanǵa ákelemiz. Qazir vengrıalyq ǵalymdarmen kelisim bar, olar DNK anyqtamasyn aldy, - deıdi RQ Mádenıet jáne sport mınıstri Arystanbek Muhamedıuly.