Sankt-Peterbýrgtegi Kýnstkamerada uzaq ýaqyt saqtalǵan Keıki batyrdyń bassúıegi jaqyn kúnderi Qazaqstanǵa qaıtarylady.

Qýanyshty habar QR Mádenıet jáne sport mınıstri Arystanbek Muhamedıuly men Reseıdiń Mádenıet mınıstri Vladımır Medınskııdiń Máskeý qalasyndaǵy kezdesýinde belgili boldy,  - dep habarlaıdy Qamshy.kz  «Ult aqparat»  ınternet- basylymyna silteme jasap.

Qazaqstandyq tarıhshylar Peterbýrgtegi mýzeıde Keıki batyrdan ózge, qazaqtyń taǵy jeti batyrynyń bassúıegi saqtalyp turǵanyn aıtady. Olardy da elge qaıtarý jospary qoıylyp otyr.

«Bul bassúıekterdiń qazaq halqy úshin, qazaq tarıhy úshin asa mańyzdy ekenin eskere otyryp, olardyń endigi taǵdyry ne bolatynyn oılastyrýdy ǵalymdyrymyzǵa muqıt tapsyrdyq», - deıdi Reseıdiń Mádenıet mınıstri.

Arystanbek Muhamedıuly bassúıektiń aldaǵy eki apta ishinde Qazaqstanǵa qaıtarylatynyn aıtty. «Vengr ǵalymdarymen kelissózder júrgizdik. Olar bassúıektiń Keıki batyrǵa tıesili me ekendigin DNQ arqyly saraptap jatyr», - deıdi  QR Mádenıet jáne sport mınıstri.

Aıta ketsek, Úkimet basshysy Kárim Másimov Keıki batyrdyń bassúıegin elge qaıtarý týraly bastama kóterip, Reseı Úkimetiniń basshysy Dmıtrıı Medvedevke usynys tastaǵan bolatyn.