Jaqynda ǵana erekshe daýysymen, ásem ánimen álemdi tamsandyrǵan qytaı qyzy ınternet juldyzyǵa aınalǵan edi. Kóptegen ınternet basylymdar oryndaýshy men ánniń tarıhyna toqtalyp, jarysa jazdy. Alaıda, atalmysh ánniń qazaq estradasynda da shyrqalyp júrgenin baıqadyq.
Sonymen ol qaı án?
Aldymen qytaılyq Tan Jıń Jyn esimdi kishkentaı qyzdyń oryndaýyndaǵy "Tań atty..." ánin usynamyz.
Endi qazaqstandyq ánshi Farıda Joldasovanyń oryndaýyndaǵy "Jaraly aqqý" ánin tyńdap kórińiz.
Uqsastyq bar ma?
Endi osy kezde kim kimnen urlady degen suraqtyń týyndaýy zańdylyq. Qytaılyq ánniń tarıhyna úńilsek, joǵarydaǵy "Tań atty..." áni 1999 jyly qaıǵyly oqıǵaǵa baılanysty Han Hoń esimdi kompozıtordyń júreginen shyqqan eken. Sol sebepti qazaqstandyq oryndaýshy Farıda Joldasovanyń ákesi Ulyqpan Joldasovqa habarlasyp, "Jaraly aqqý" ániniń avtorlaryn suradyq.
-"Jaraly aqqý" ániniń sózin jazǵan avtor esime túspeı tur. Biraq áni bizdiki emes. Qytaı áni. Bertinde ol ánniń aranjırovkasyn qaıta jasap, jazyp shyqqanbyz. Keıin bul ándi Farıdanyń ózi jeke de, "Daýys KZ" tobymen birge de oryndady, - dedi Ulyqpan Joldasov.
