Tirek-qımyl qozǵalysy shektelgen qazaqstandyq balalarǵa qytaılyq dárigerler opasyzdyq jasady. 13 múgedek balany ata-analary Beıjińge alyp baryp, em-dom úshin birlesip, bas-aıaǵy 200 myń dollar aqshany jınap bergen, - dep habarlaıdy Qamshy.kz Habar arnasyna silteme jasap.

Alaıda qytaılyq dárigerler tıisti dári-dármektiń ornyna botoks bergen. Iaǵnı búginde Qazaqstanda bul – tegin beriletin zat. Qytaı tilin túsinetin ata-analardyń biri dárigerlerdiń áńgimesine qulaq túrip, aldanǵandaryn ańǵarǵan. 

Balalardy aıaqqa turǵyzamyz degen dári eshqandaı áser bermegen. Baýyr eti balalary úshin qomaqty nesıe alǵan ata-analar endi aqshalaryn qaıtarýdyń amaldaryn qarastyryp jatyr. 

Tamara Dúısenova, QR Densaýlyq saqtaý jáne áleýmettik damý mınıstri:

 -Qazaqstan azamattary óz erikterimen dáriger tańdaýǵa quqyly. Ári qaı elde emdeletinin de ózderi sheshedi. Bul memleketten qaıtyp kelgen naýqastarǵa Qazaqstanda tıisti medısınalyq kómek kórsetilip jatyr. Aqshany olar óz erikterimen bergen. Sondyqtan bul bizdiń quzyrymyzdaǵy másele emes.