Qazaqstandyq kásipqoı boksshy Gennadıı Golovkınge týǵan jeri – Qaraǵandy oblysynyń Maıqudyq aýdanynda altynnan músin ornatylýy múmkin. Qazir músinshiler jobany ázirlep jatyr, - dep habarlaıdy Qamshy.kz BNews.kz - ke silteme jasap.

Músinshi Gamal Sagıdenovtiń aıtýynsha, qazir ol jobany jan-jaqty talqylap jatyr. Gennadııdiń músinin jasaý – onyń jankúıerleriniń ıdeıasy eken. Qaraǵandynyń bul aýdanynda sportshynyń dostary kóp bolǵandyqtan, olar «altyn» músin jasaý ıdeıasyn usynǵan.+

Qazir ekibastuzdyq músinshi músinniń maketin jasap jatyr. Ázirge ol «boksshynyń basyn» ermeksazben ǵana daıyndap qoıdy. Músinniń ózi adam boıynan bir jarym ese bıik bolady jáne altyn jalatylǵan boıaýmen boıalady. Sondaı-aq sportshynyń jankúıerleri tapsyrystyń aqshasyn tóleýge qarajat jınap jatyr.
«Men, qalaıda, bul jumysty aıaǵyna deıin jetkizemin. Ádemi músin jasap, oǵan granıtten tuǵyr qoıyp, jan-jaǵyn abattandyrǵym keledi. Músindi jasaýǵa kóp ýaqyt ketpeıdi. Bir aı ishinde aıaqtaı alamyn. Bastysy, barlyǵyn kelisip alý kerek, ıaǵnı, qoıatyn ornyn, qujattaryn kelisý t.b. jumystardy retteý kerek», - deıdi Gamal Sagıdenov. 

Qazir jankúıerler qujattaryn resimdep, músinniń qoıylatyn ornyn kelisip jatyr. Eger ıdeıa qoldaý taýyp, jergilikti bılik organdary bekitse, onda músin «Jańa Maıqudyq» mádenıet úıiniń aldyndaǵy alańǵa qoıylady.