Qyrǵyzstannyń Sholpan Ata qalasynda ótken İİ-Dúnıejúzilik kóshpendiler oıyndarynda elimiz jalpykomandalyq esepte İİİ-orynǵa ıe boldy,- dep habarlaıdy Qamshy.kz 365info.kz silteme jasap.
Qazaqstan qorjynynda 12 altyn, 13 kúmis, 13 qola júlde bar.
Dúbirli dodada 25 altyn, 25 kúmis, 29 qola, jalpy 79 medaldy jeńip alǵan Qyrǵyzstan quramasy jalpykomandalyq esepte İ-shi oryndy aldy. Al İİ-oryn 24 medalmen (15 altyn, 3 kúmis, 6 qola) Túrikmenstan komandasyna buıyrdy.
8 qyrkúıek kúni qazaq eliniń qorjynynda 32 medal boldy. Atap aıtsaq, 10 altyn, 11 kúmis jáne 11 qola. Al jalpykomandalyq esepte elimiz İİ-orynǵa turaqtady.
Bul kúni qazaq atletteri 4 ulttyq sport túri boıynsha jarys jolyna jyqty.
Sholpan-Ata qalasyndaǵy ıpodromda Qazaqstan quramasy qyrǵyz kókparshylarynan 15:3 esebimen ońbaı jeńildi. Osylaısha, sportshylarymyz kúmis júldege ıe boldy.
İİ Dúnıejúzilik kóshpendiler oıyndarynyń sońǵy kúni sportshylar at jarysynan synǵa tústi.
Alys qashyqtyqta (22000 shaqyrym, 10 aınalym) shabandozdar arasynda ótken saıysta altyn júldeni Isfalan atty arǵymaq aldy. Attyń ıesi — Serik Maımaqov, shabandoz -SHermat Serikov. Kúmis júldeni Shaxrızad atymen jarysqa túsken arǵymaq ıelendi. Attyń ıesi — Murat Úserbaev, shabandoz — Saǵymbekuly Akbar.
1600 qashyqtyqta at jarysynan saıys jolyna shyqqan shabandozdar arasynda altyn júldeni jerlesimiz Edil Qusaıynov aldy. Arǵymaǵynyń esimi — Ash Invader.
At jarysynyń qorytyndysy boıynsha Qazaqstan qorjynyna 2 altyn, 1 kúmis jáne 1 qola júlde tústi.
Halyqaralyq saıystyń sońǵy kúni alyshtyń klasıkalyq túri óz máresine jetti. Qazaq balýandary 1 altyn, 2 kúmis jáne 1 qolany jeńip aldy. Bul saıysta jahannyń 140 elinen kelgen 30 memleket qatysty.
Alyshtyń klasıkalyq túrinen Dıdar Sátbaev (60 keli) altyn alsa, Sábıra Myrzaǵalıeva (65 keli) men Bekbol Nurlanuly (100 keli) kúmisti enshiledi. Al Gúlnár Amantaeva (75 keliden joǵary) qola júldeni enshiledi.
Aıta keteıik, 3-8 qyrkúıek aralyǵynda ótken İİ Dúnıejúzilik kóshpendiler jarysyna 58-den astam eldiń 600-ge tarta sportshysy qatysty. Olar 23 sport túrinen baq synady. Halyqaralyq irgeli shara týraly jahannyń 35 elinen kóptegen belgili aqparat quraldary habar taratty. Dúbirli dodada Qazaqstannyń namysyn 21 sport túrinen 75 sportshy qorǵady.
