Almatynyń qaq ortasynan kesilgen basy men qoly tabylǵan azamattyń artynda aıaǵy aýyr jubaıy qalǵan. Qazir kelinshektiń ishtegi balasy tórt aılyq. Al 25 jasyna bir aı ǵana jetpegen marqum keshe jerlendi, - dep habarlaıdy Qamshy.kz KTK arnasyna silteme jasap.

Dostarynyń aıtýynsha, mert bolǵan jigit jaqynda ǵana Almatydaǵy bedeldi oqý oryndarynyń birin aıaqtap, jeke kásipkerlikpen aınalysýdy bastapty. Qaıǵyly jaǵdaı bolatyn kúni ol ádettegideı jumysqa ketip, keıin telefonyn almaı qoıǵan. Kelesi kúni onyń bólshektengen denesi turǵynúı aýlasyndaǵy qoqys jáshiginen tabylǵan bolatyn. Árbir dene múshesi jeke-jeke paketterge salynyp, barlyǵy bir sómkege jınalypty. Saraptama ortalyǵynyń mamandary ólim aldynda marqum aıaýsyz soqqyǵa jyǵylǵan deıdi. Qandy qylmys sebebin qazir polısıa anyqtap jatyr.