Qazaqstan sportshylaryn Rıo-de-Janeıroda ótken Olımpıada oıyndaryna daıyndaý jáne qatystyrý úshin 3,4 mlrd teńge jumsaǵan. Bul málimetti Mádenıet jáne sport mınıstrligi QazAqparatqa bergen jaýabynda kórsetti,- dep habarlaıdy Qamshy.kz.

«Qazaqstan Respýblıkasynyń ulttyq quramasy jáne qurama komandalarynyń múshelerin resmı joldama jáne kóp satyly álem kýbokterine daıyndaý, qatystyrýǵa 2016 jylǵy búdjetten 3,4 mlrd teńge qarastyrylǵan», - delingen habarlamada.

Baspasóz qyzmetiniń naqtylaı ketýinshe, 2016 jyly ulttyq qurama komandalardyń sportshylary túrli sporttan Rıo-de-Janeırodaǵy Olımpıada oıyndaryna qatysý úshin 70-ten astam qurlyq, dúnıejúzilik joldama jarystaryna qatysty, sondaı-aq olar Rıo-de-Janeırodaǵy Olımpıada oıyndaryna qatysýǵa múmkindik beretin qalǵan kvotalardy jeńý úshin Álem kýboginiń 52 kezeńine qatysty.

2016 jylǵy Olımpıadaǵa Qazaqstan quramasynda 25 sport túrinen 105 sportshy bardy. Qazaqstan Rıo-de-Janeıroda ótken olımpıadanyń jalpykomandalyq esebinde 22-oryn ıelendi.

17 júlde - bul el sportshylarynyń qysqy jáne jazǵy Olımpıada oıyndaryndaǵy úzdik nátıjesi. Buǵan deıin 2008-2012 jylǵy olımpıadalar kezinde sportshylar 13 medaldi el qorjyna salǵan bolatyn.