WBO nusqasy boıynsha qazirgi chempıon brıtandyq Bıllı Djo Sonders orta salmaqta WBA (Super), WBC jáne IBF sanaty boıynsha álem chempıony qazaqstandyq Gennadıı Golovkınniń namysyna tıetin sózder aıtty,- dep habarlaıdy Qamshy.kz.
Brıtandyq Kell Brýkty jeńgen qazaqstandyq boksshy endigi kezekte Bıllı Djo Sonderspen qolǵap túıistirgisi keletinin jetkizgen edi. Bul málimdemege Sonders óziniń Twitter-degi paraqshasynda jaýap qaıtaryp, ol Golovkındi "boreRat" dep atady. Aǵylshyn tilinen sózbe-sóz aýdarǵanda «borerat» - «jalyqtyrǵysh egeýquıryq» degen maǵynany bildiredi jáne daýystap aıtqanda "Borat" fılmindegi keıipkerdi eske túsiredi.
«GGG, sen daıyn bolǵanda, men de ázir turamyn, tek jartylaı orta salmaqta emes. Estidiń be, boreRat!» - dep jazdy Sonders óziniń paraqshasynda. Eske sala ketsek, 11 qyrkúıekke qaraǵan túni WBA (Super), IBO, IBF jáne WBC nusqalary boıynsha orta salmaqtaǵy álem chempıony Gennadıı Golovkın (35-0, 32 KO) orta salmaqtaǵy IBF tujyrymynyń chempıony brıtandyq Kell Brýkti (36-0, 25 KO) oısyrata jeńip, jankúıerlerin shattyqa bóledi.
