Orta salmaqtaǵy WBA (Super), IBO, WBC jáne IBF tujyrymdary boıynsha álem chempıony qazaqstandyq Gennadıı Golovkın kelesi jekpe-jekti qarasha aıynyń sońynda ótkizýi múmkin, - dep habarlaıdy Qamshy.kz Vesti.kz Allboxing.ru basylymyna silteme jasap.

"Golovkın Kell Brýkpen bolǵan kezdesýden keıin uzaq ýaqyt demalmaıdy. Onyń kelesi jekpe-jegi Los-Andjeleste (Kalıfornıa shtaty, AQSH) qarasha aıynyń sońynda ótýi múmkin. Sol kúni rıngke nıkaragýalyq Roman Gonsales te shyqpaqshy, ol da Londonda ótken boks keshinde judyryqtasqan bolatyn", - delingen habarlamada.

Aıta keteıik, orta salmaqtaǵy WBA (Super), IBO, WBC jáne IBF tujyrymdary boıynsha álem chempıony qazaqstandyq Gennadıı Golovkın jartylaı orta salmaqta IBF nusqasy boıynsha álem chempıony ulybrıtanıalyq Kell Brýkti besinshi raýndta nokaýtpen jeńdi. Sondaı-aq, kezdesý aldynda jaǵymsyz jaǵdaı boldy. Aǵylshyn kórermenderi Qazaqstannyń ánurany oryndala bastaǵanda ysqyryp, qurmetsizdik kórsetti. Sky Sport telearnasy otandastarynyń bul áreketin tártipsizdik dep sókti.