Qurban Aıt qut ákelip, búgin Qostanaıda 94 otbasy jańa qonysqa jaıǵasty. «Nurly jol» baǵdarlamasy aıasynda tabys etilgen turǵyn úı oblys ortalyǵyndaǵy «Altyn Arman» shaǵyn aýdanynda boı kótergen, - dep habarlaıdy Qamshy.kz 24.kz - ke silteme jasap.
Baspanaly bolǵandardyń deni - muǵalimder men dárigerler, áskerıler men kóp balaly otbasylar. Bekbolatovtar áýleti kóp jyldan beri úı-kúısiz júrgen bolatyn. Jaldamaly páterge kóship-qonǵan 4 balaly otbasynyń qýanyshynda shek joq.
Kúlash Júsipova, qala turǵyny:
- Sáýirde kishkentaı qyzymyz týdy, sol aıdyń aıaǵynda myna baǵdarlamadan habar shyǵa bastady. Júgirip baryp, bular ótinishin berdi. 15 mınýttyń ishinde elektrondy kiltin aldy da, 2 aıdan keıin páterin aldy. Endi qalaı qýanbaısyń.
