Pavlodardaǵy «Qazaqstan alúmınıi» zaýytynda óndiristik apattan eki jumysshy zardap shekti,-dep habarlaıdy Qamshy.kz Habar24 arnasyna silteme jasap.
Oqys oqıǵa zaýyttyń gıdro-metallýrgıalyq sehynda boldy. №2 ýchaskede tutqyr súzginiń aqaýyn jóndep jatqan 37 jáne 43 jastaǵy eki azamattyń denesi men kózderin termo-hımıalyq kúıik shaldy. Eki jumysshyǵa da shuǵyl medısınalyq kómek kórsetilip, №1 qalalyq aýrýhanaǵa jedel jetkizildi. Alǵan jaraqat óte aýyr. Bireýiniń denesiniń 85, ekinshisiniń 40 paıyzy kúıip qalǵan. Qazir olar jansaqtaý bóliminde jatyr. Eńbek ınspektorlary jumyskerlerdiń qatelikke boı aldyrýy múmkin ekenin de joqqa shyǵarmaıdy. Qazir apatqa qatysty tergeý júrip jatyr. Arnaıy komısıa 10 kún ishinde onyń naqty sebebin anyqtaýy tıis.
Abylaı Sadyrov, memlekettik eńbek ınspektory:
- Qazir olar jansaqtaý bóliminde jatyr. Bizben sol habarlama túsken sátte zaýytqa baryp, oqıǵa orny qarastyryldy. Jumyskerler klapanǵa revızıa júrgizý úshin nasosty óshirgen, biraq sol óshirgen nasosty emes, qasyndaǵy jumys istep turǵan nasostyń klapanyn sheshken. Sol ýaqytta suıyqtyq atylyp, olar kúıik alǵan.
