Elbasy Nurultan Nazarbaev Samarqan saparynda Ózbekstan prezıdentiniń mindetin ýaqytsha atqarýshy Shavqat Mırzıeevpen kezdesti,-dep habarlaıdy Qamshy.kz Aqordanyń baspasóz qyzmetine silteme jasap.

Kezdesý barysynda Qazaqstan Prezıdenti taǵy da Islam Karımovtiń  ózbek memleketin, elderimizdiń arasyndaǵy ózara qarym-qatynasty damytýǵa qosqan biregeı úlesin atap ótti.

– Tarıhymyz, dinimiz, mádenıetimiz bir bolǵandyqtan, onyń búkil qaıratkerligi bizdiń halyqtarymyz arasyndaǵy dostyqty nyǵaıta túsýge qyzmet etti. Osy qundylyqtardy saqtaı bilý óte mańyzdy. Ekijaqty kezdesýler barysynda da, halyqaralyq uıymdar jumysy  aıasynda da biz kez kelgen máselege qatysty ózara tıimdi sheshim taba bildik. Baýyrlastyq baılanysymyzdy budan ári de nyǵaıta berý kerek, – dedi Memleket basshysy.

Sonymen qatar, Nursultan Nazarbaev pen Shavkat Mırzıeev ekijaqty qarym-qatynastyń meılinshe ózekti máseleleri, óńirlik jáne halyqaralyq kún tártibindegi negizgi taqyryptar jóninde pikir almasty.