«Qurban aıt» kúnderin «Qudaıdyń rızashylyǵy úshin, tórt túlik maldy qurbandyqqa shalý kúnderi!» dep oılaıtyn qandastar, sizder Qudaıdyń qandaı qudyret ekendigi túgili, qudaıtanýdyń da ne ekendigin bilmeı júrip, Qudaıdy qanqumarǵa uqsatyp, mazaq qylmańyzdar! Qudaı ózi úshin, qoı túgili, qońyzdyń da jazyqsyz óltirilýin qalamaıdy! Ol obaldy oılaıdy. Sizderdiki sekildi dańǵoılyq pen arsyz básekeni, tekke ysyrapty, mal saýdasy qyzǵynǵa aınalatyn qanqasapty jek kóredi Ol.

Qazir – HHİ-ǵasyr. Dinı ertekter men sýqıttyqtarǵa senetin baıaǵy soqyrsenim zamany kelmeske ketken. Oılanyńyzdar.

Eger, «qurbandyq shalý - joq-jitikterge kerek!» deseńizder, onda, qurban aıt kúnderin «Joq-jitikterge járdem kúnderi» dep atańyzdar. Sóıtip, oǵan daıyndyqty áýeli joq-jitikterdiń esebin alýdan bastańyzdar. Sonan soń, qurbandyqtaryńyzdyń ózi alýan-alýan qaıyrymdy Oılardy júzege asyrý túrinde bola ma, joq, móldiregen naqty bal túrinde bola ma nemese jazyqsyz mańyraǵan mal túrinde bola ma, ózara keńese jatarsyzdar.

Tynyshtyqbek Ábdikákimulynyń Feısbýktegi paraqshasynan alyndy