Mysyrdyń Sınaı túbegindegi turǵyndar men «Irak pen Levant lańkestik uıymynyń» sodyrlary qaqtyǵysyp, 8 sodyrdyń kózi joıyldy. Taǵy eki búlikshini turǵyndar tutqynǵa alǵan, - dep habarlaıdy Qamshy.kz 24.kz - ke silteme jasap.
Osyǵan deıin atalǵan uıymnyń sodyrlary Rafat qalasynyń turǵyndaryn ózderine salyq tólep turýǵa mindettegen. Ekijaqty qaqtyǵysqa sebep bolǵany osy talap bolsa kerek. Lańkesterdiń ezgisine kónbegen halyq bas kóterip shyqqan. Ázirge beıbit azamattardyń qatarynan qansha adamnyń qaza tapqany jóninde aqparat joq.
