Bul týraly  Qamshy.kz   QazAqparatqa silteme jasap habarlaıdy.

Al RIA Novostı agenttigine Novosibir oblysy boıynsha İİM BB baspasóz qyzmetiniń ókili habarlaǵandaı, Petr Devátkınniń óli denesi Novosibirden tabylǵan. Er adam ózine qol jumsaǵan degen boljam jasalyp otyr.

"10 qyrkúıek kúni tańerteń Novosibirdiń Lenın aýdanynda 1977 jylǵy er adamnyń óli denesi tabylǵan. Ol ózine ózi qol jumsaǵan degen aldyn ala boljam jasalyp otyr. Tergeý komıteti tekseris jasap jatyr" , - dedi ókil.

Quqyq berý organdaryndaǵy derekkózdiń habarlaýynsha, Petr Devátkın asylǵan kúıinde tabylǵan. Ol óler aldynda hat ta jazyp qaldyrǵan eken.

Aıta keteıik, Devátkın máskeýlik «Dınamo», «Neftehımık», «Salavat Iýlaev», «Spartak», «Amýr» klýbtarynyń sapynda oınaǵan.

Ol 1998 jyly Naganoda ótken Olımpıadaǵa Qazaqstan quramasynda qatysqan.

Sońǵy kezderi Devátkın Sahalınde balalar bapkeri bolyp istegen. Petrdiń artynda áıeli men kishkentaı balasy qaldy.

Petr Gennadevıch Devátkın (1977 jyldyń 8 naýryzynda Óskemende dúnıege kelgen) óskemendik hokeıdiń túlegi, shabýylshy. Reseı chempıony, Azıa oıyndarynyń chempıony (1999), 1998 jylǵy Olımpıada oıyndarynyń shırek fınalyna jetken.