Jıyrma bes jastaǵy astanalyq boıjetken ózin aıaýsyz zorlaǵandardan óz betinshe kek aldy. Bul týraly Qamshy.kz nur.kz – ke silteme jasap habarlaıdy.

Jıyrma bes jastaǵy astanalyqty belgisiz birýler qalanyń syrtyna urlap áketip, eki kún boıy zorlaǵan. Áreń degende sytylyp qashqan qyz oqıǵa boıynsha polısıaǵa múlde habarlaspaǵan. Olardan ózi ósh almaqshy bolypty.

Bul týraly psıholog Marıa Fedorova aıtyp bergen.

«Úsh aı boıy ózin qorlaǵandardy aıaýsyz jazalaǵan astanalyqpen jumys istedim. Boıjetken biriniń otbasyn oırandaǵan. Qurbylarynyń birine sol jigittiń basyn aınaldyrýdy tapsyrǵan qyz, sýretke de túsirip alady. Ǵashyqtardyń tátti ómiriniń kórinisterin jınaqtap, ózin zorlaǵan erkektiń áıeline joldaıdy.

Ekinshisiniń saıabaǵyn órtep jiberedi. Úshinshisiniń qymbat kóligine qyshqyl shashqan. Ózin renjitkenderden kek alamyn dep júrgen boıjetken, qalaı qatygez bolyp ketkenin de bilmeı qalady. Máseleni sheshý úshin páterin satyp, Almatyǵa qonys aýdaryp ketken. Qazir turmysqa shyqqan, bala kútip otyr», – deıdi psıholog.

Dáriger ózinen kómek surap kelýshiler arasynan zorlanǵandar tek sońǵy eki jylda kóbeıgenin aıtady.

«Buryn toptyq zorlaýda bolǵan áıelder az keletin. Qazir ondaı emdelýshilerim kóp. Men buǵan qarap zorlaý qylmysy sońǵy kezde kóbeıdi dep aıta almaımyn. Burynda da bolǵan. Tek áıelder sońǵy kezderi mamannyń kómegine jıi júginetin bolǵan», – deıdi dáriger.

Dáriger elimizde zorlanǵan qyzdar máselesin polısıaǵa aıtpaýǵa tyrysatynyn aıtady. Sebebi, boıjetkender oqıǵanyń jaıylyp ketýinen qorqady eken.