Búgin Óskemenniń №2 qalalyq sotynda Qazaqstan Respýblıkasynda tyıym salynǵan «Tablıǵı jamaǵat» qozǵalysy jaqtaýshylarynyń óńirdegi qyzmeti týraly qylmystyq is boıynsha birinshi sot otyrysy ótti, - dep habarlaıdy Qamshy.kz QazAqparatqa silteme jasap.

İs boıynsha tyıym salynǵan uıymnyń qyzmetin uıymdastyrdy degen kúdik taǵylǵan 34 jastaǵy B. Baýyrjan jáne onyń 8 sybaılasy ótýde. Olardan elden shyqpaý týraly qolhat alynǵan. 

405-baptyń 1-bólimi boıynsha aıyptalǵan er adam osy jyldyń 1 tamyzynda ustaldyn. Qazir ýaqytsha ustaý oqshaýlaǵyshynda otyr.

Tyńdaý barysynda málim bolǵandaı, tintý barysynda odan atqarylǵan jumysy týraly jazbalar, aýdıo- jáne vıdeorolıkter tárkilengen. Sot prosesi ashyq rejimde ótýde. Taǵy 19 kýágerdi tyńdaý josparlanǵan kelesi sot otyrysy aldaǵy aptada ótedi. Búgin qaralyp jatqan istiń mán-jaıy jarıa etildi. Aıyptalýshydan alǵashqy jaýaptar alynyp, oǵan advokattar tarapynan suraqtar qoıyldy.