Túrkıa Vashıngtonǵa AQSH-ta turatyn din ýaǵyzdaýshy Fethýllah Gúlendi qamaýǵa alý týraly resmı ótinish joldady. Ankara ony 15 maýsymdaǵy áskerı tóńkeristi uıymdastyrdy dep aıyptady, - dep habarlaıdy Qamshy.kz centralasian.org - ke silteme jasap.

Túrkıa úkimeti Gúlenniń jaqtastary qazirgi bılikti qulatý úshin búlik jasady dep esepteıdi. Din ýaǵyzdaýshyny qaıtarý máselesi Túrkıa jáne AQSH prezıdentteri Rejep Taıyp Erdoǵan men Barak Obama arasynda talqylandy. Olar qyrkúıektiń basynda Qytaıda "Úlken jıyrmalyq" samıti aıasynda kezdesti.

Amerıkalyq ákimshiliktiń resmı ókiliniń jýrnalıserge habarlaýynsha, Obama Erdoǵanmen kezdesýde máseleniń saıası emes, zań jolymen sheshilýine keńes bergen.

Buǵan deıin Túrkıa AQSH-tan Gúlendi ustap berýin birneshe márte suraǵan. Túrkıanyń birneshe qalasynda osy talapty jaqtaǵan jappaı sherýler ótti. Fethýllah Gúlen amerıkalyq telearnalarǵa bergen suhbattarynda Rejep Erdoǵan bıligin taıdyrý talpynysyna qatysty bul aıyptaýlardyń barlyǵyn joqqa shyǵardy.