2016 jyldyń 11 qyrkúıeginde Nú-Iork halqy áıgili terrorlyq oqıǵa qurbandaryn eske alyp jatqanda AQSH Prezıdentiginen úmitker Hılları Klınton esinen tanyp qulaı jazdaǵan. 68 jastaǵy áıeldi avtokólikke salyp aýrýhanaǵa alyp ketkeni týraly kadrlar dúnıejúzine taraldy. Jurt  kún astynda turǵanda ystyǵy kóterilgen shyǵar desti. Keıinnen Klıntonnyń pnevmonıamen aýyratyny belgili boldy.  

"Jótelsem, bul Trampqa degen alergıa"  dep ázildeıtin Klınton saılaý aldy naýqanynda basty qarsylasynan qalysar emes. Iá, eger Klıntonnyń densaýlyǵy nasharlasa Demokratıalyq partıa basqa úmitkerdi usynady. Sarapshylar Klıntonnyń ornyn basatyn birden bir úmitker qazirgi vıse prezıdent Djo Baıden dep topshylaýda. Alaıda Klınton naýqandaǵy óz ornyn ózgege bosatyp beretin adamǵa uqsamaıdy.  "Mende bári jaqsy" dep sálem joldaǵan ol saılaý aldy naýqanǵa qaıta oralatynyn da aıtty.

Klıntonnyń densaýlyǵy kópshilik aldynda buǵan deıin de syr bergen. 2009 jyly kenetten qulap, shyntaǵyn jaralasa, 2012 jyly ishek tumaýynan talyp qalǵan. Nátıjesinde mıy shaıqalǵan. Keıbir aqparat kózderi osy qulaýdan keıin mıy qatty zaqymdalǵan Klınton erekshe kózildirik kıe bastaǵan. Óıtkeni kóz aldy buldyrap, basy aınala beretin kórinedi. Keıbir sarapshylar Klıntonnyń 2008 jylyǵy saıası dodada júıkesi juqaryp, densaýlyǵy sodan syr berdi degen pikirde.   

Al Tramp bolsa, jaqtastaryna áleýmettik jeliler arqyly aýyryp jatqan Klıntonnyń syrqatyna qatysty qandaı bir pikir bildirýge tıym saldy.

Dana Qamshybek