Bul týraly  Qamshy.kz habarlaıdy.

“Bir kezderi men oblystardyń birine ákim taǵaıyndadym. Ekeýmiz  egistik boıymen Shortandynyń nany dámdi me degen jýrnalıs suraǵyna jaýap berip kele  jatyrmyz, ol “qandaı ǵajap bıdaı, qandaı tamasha bıdaı” dep shattanyp júr. Men sonda “toqtaı tur, bul bıdaı emes, arpa ǵoı” dedim. Ondaı da bolady. Bıdaıdyń sapasy jaqsy, kóńilim toldy, kóńil-kúıim kóterińki, óıtkeni dıqandar astyq alqabyn dánge toltyrypty. Aýa raıy qarasyp turǵanda, shashpaı-tókpeı qambaǵa jınap, óz esepterińizge jaqsy aqsha alsańyzdar bolar edi”, – dedi .

Nursultan Nazarbaev Aqmola oblysyna úlken úmit artylyp otyrǵanyn atap ótti.

“Aqmola, Qostanaı jáne Soltústik Qazaqstan oblystarynyń árqaısy 5,5 mln tonna astyq beredi. Búginde elimizde 1 mlrd tonna astyq jınaldy. Aqmola oblysy turaqty damyp keledi. Astananyń ónerkásibi óńirdiń aýyl sharýashylyǵyna kómektesýde. Aqmolanyń qalalarynda ónerkásip ósip, kásiporyndar ashylyp jatyr. Taıaýda iske qosylatyn Masal ken-mettallýrgıalyq kombınaty da úlken demeý bolady. Qazir men taýar óndirýshilerden Táýelsizdiktiń 25 jyldyǵyna oraı kómekke muqtaj aýyldyqtarǵa qol ushyn sozyp, mektepterdi, aýrýhanalardy, balabaqshalar men kóshelerdi jóndep berýdi suradym. Munyń bári árbir aýylda ómir súrý sapasyn jaqsartý úshin qajet”,- dep túıindedi Prezıdent.

Esterińizge sala keteıik, Memleket basshysy búgin Aqmola oblysyna jumys saparymen bardy. Nursultan Nazarbaev sapar aıasynda Shortandy aýdanyndaǵy “Jáken-1” JSHS sharýa qojalyǵynyń jumysymen tanysyp, dıqandarmen, mehanızatorlarmen áńgimelesti.