Kásiporyn basshysy Qalamqas Álenova 2012 jyly "Bıznestiń jol kartasy 2020" baǵdarlamasy aıasynda 800 myń teńge nesıege nemis tigin mashınalaryn satyp alǵan.

Aqsý qalasynda 2010 jyly "Atameken" jeke kásipkerligin ashqan Qalamqas Alenovanyń ulttyq kıimderine búginde suranys artqan, - dep habarlaıdy  Qamshy.kz  Zakon.kz cilteme jasap.

Tigin sehynyń brıgadıri Nurbaný Alǵashbaevanyń aıtýynsha, bıylǵy jyly bir aıdyń ishinde kórshiles Reseı eline 25 ulttyq kıim jibergen. Onyń ishinde qazaqtyń jáne orys ultynyń oıý-órnegimen áshekeılengen bas kıim, kamzol jáne kóılekter bar.

- Tapsyrys boıynsha balabaqshalarǵa, mektepterge, túrli kásiporyndarǵa arnaıy jáne ulttyq kıimder tigemiz. Endigi maqsatymyz - kásibimizdi keńeıtip, jeke ǵımaratqa kóshý. Qazirgi tańda "Svetlana" dúkeninen oryndy jalǵa alyp otyrmyz. Kúnine 30-dan astam kıim tigemiz. Barlyǵy 10 adam jumys isteıdi, - deıdi Nurbaný Alǵashbaeva.

Aıta keterligi, kásiporyn basshysy Qalamqas Álenova 2012 jyly "Bıznestiń jol kartasy 2020" baǵdarlamasy aıasynda 800 myń teńge nesıege nemis tigin mashınalaryn satyp alǵan. Al, 2014 jyly Qamzın kóshesinen 64,4 sharshy metrdi quraıtyn jeke tigin sehyn ashý úshin jeti jyl merzimge memleketten 9 mln 150 myń teńge rásimdegen. Búginde bul somanyń 4 mıllıon teńge qaryzy qaıtarylǵan.