Almatyda turǵyn úılerdiń biriniń aýlasynda qoqys jáshiginen dene músheleri tabylǵan er adamnyń ólimine qatysy bar kúdiktiler Baıqońyrda ustaldy, - dep habarlaıdy  Qamshy.kz  qalalyq İİD baspasóz qyzmetine silteme jasap.

Almaty polıseıleri 1991 jyly týǵan R. Sıtak esimdi azamatty óltirdi dep tanylǵan kúiktilerdi Baıqońyr qalasynan ustaǵan. Qyrkúıektiń 7-i  Almatydaǵy Abylaı han jáne Raıymbek dańǵyldarynyń qıylysynda ornalasqan úı aýlasyndaǵy qoqys jáshiginde er adamnyń dene múshelerin tabylǵan bolatyn.

Kúdiktiler SHQO jáne Pavlodar qalasynyń týmalary, 1993 jáne 1994 jyly týǵan azamattar.  Tanystaryn óltirýge aralaryndaǵy jaǵymsyz jaǵdaı cebep bolǵan. Aýyr qylmystan soń ekeýi  Almatydan qashyp, memlekettik shekaradan ótip ketpek bolǵan.

Qazirgi kezde qalalyq krımınaldy polısıa jáne Almaly aýdanynyń İİB qyzmetkerlerinen quralǵan arnaıy jedel-tergeý toby kúdiktilerdi Baıqońyrdan Almatyǵa alyp kele jatyr. Sotqa deıingi tergeý jumystary júrgizilýde.

Esterińizge salsaq, osyǵan deıin Almatynyń Abylaı han jáne Raıymbek dańǵyldarynyń qıylysynda ornalasqan úıdiń aýlasyndaǵy qoqys jáshiginde er adamnyń dene múshelerin tapqany jaıly aıtylǵan edi. Onda, adam denesiniń  qaldyqtary - basy jáne qoly tabylǵan. Konteınerdiń ishindegi dene múshelerin qoqys jáshikterin qarap júrgen úısiz adam kórgen. Polıseıler tergeý jumystaryn júrgizip, kýágerlerdi surastyryp jatyr. Oqıǵa ornyna qalalyq İİD-niń basshysy Serik Kúdebaev keldi. Al taıaýda qaza bolǵan er adamnyń Almatyǵa Kentaýdan kelgeni belgili boldy. Sonymen qatar, onyń týysy kelip, máıitti tanypty.