«Báıterek» holdıńiniń Basqarma Tóraǵasy Erbolat Dosaev Gonkongtyń qarjy mınıstri Djon Sang bastaǵan Gonkongtyń bıznes delegasıasymen kezdesý ótkizdi, - dep habarlaıdy Qamshy.kz 24.kz - ke silteme jasap.

Kezdesýde ózara yntymaqtastyqtyń áleýetti baǵyttary, sondaı-aq birlesken jobalarǵa ınvestısıalar máseleleri talqylandy.

Kezdesý barysynda «Qazyna Kapıtal Menedjment» AQ men Azıa ınvestısıalyq-qarjylyq toby arasynda Ózara túsinistik týraly memorandýmǵa qol qoıyldy. Memorandým ınfraqurylymdyq, kóliktik jobalarǵa jáne «Nurly jol» men «Bir beldeý – bir jol» memlekettik baǵdarlamalary sheńberindegi logıstıkalyq qyzmet kórsetý salasyndaǵy jobalarǵa 1 mlrd AQSH dollaryna deıin birlesip ınvestısıalaý múmkindikterin kózdeıdi.