AQSH prezıdenttigine Respýblıkalyq  partıa atynan úmitker  Donald Tramp jaqtastaryna demokrat –qarsylasy  Hılları Klıntonnyń ózi sıaqty mıtıń ótkizýine shydamy  jetpeıdi,- dedi dep habarlaıdy Qamshy.kz RIA Novostıge silteme jasap.

 Seısenbi kúni, Ogaıoda  amerıkalyq telearnalar aldynda sóz sóılegen Tramp jaqtastary jınalǵan mekemeniń óte ystyq ekenin atap ótip, bylaı dedi: « Hılları osynda bir saǵat tura alar ma edi, qalaı oılaısyzdar?  Joq,  tura almaıtyn edi dep  oılaımyn» — dep málimdedi Tramp.

 Onyń sózinshe, ózi mıtıńke shyǵyp júrgen ýaqtta, Klınton tósek tartyp, aýrýyn emdep jatyr.  Onyń bul sózin qoldamaǵandyqtaryn bildirip, gýildesken jurtqa úmitker qarsylasynyń tez jazylyp,  saılaý aldy sharalarǵa atsalysqanyn qalaıtynyn aıtty.

 Jeksenbi kúni Nyıý-Iorkta ótken qoǵam aldyndaǵy jıynda Klıntonnyń jaǵdaıy nasharlap ketken bolatyn.  Saılaý aldy shtaby qansha joqqa shyǵarsa da, onyń densaýlyǵy jaıly qaýeset   barsha álemge tez tarap ketken.  Klıntonnyń ózi  dárigerlerdiń oǵan  pnevmonıa (ókpe qabynýy) dıagnozyn qoıǵanyn jáne antıbıotıkter jazyp bergenin  moıyndady. Demokrat partıasynyń úmitkeri dúısenbi kúngi barlyq is-sharalaryn seısenbige shegerdi, beısenbi kúni  jıyndaryn jańartýǵa sóz berdi.  Beısenbi kúni Klınton Soltústik Karolında, sosyn Vashıngtonda saılaý aldy mıtıń ótkizýi kerek.