Ońtústik Qazaqstanda 7 aıda tamaq ónerkásibine 3 mlrd teńgeden astam ınvestısıa salynǵan. Dál osy kórsetkish jyl sońyna deıin eselene túspek, - dep habarlaıdy Qamshy.kz OQO ákiminiń baspasóz qyzmeti bergen aqparatqa silteme berip habarlaıdy.

Máselen ınvestısıa tartylǵan jobalardyń biri Qazyǵurt aýdanynda júzege asqan «Lotus Food Company LLC» JSHS tez daıyndalatyn kespe jobasy. Bul jobaǵa 471 mln. teńge kóleminde ınvestısıa salynǵan. Sonymen qatar, 1 mlrd. 900 mln. teńge ınvestısıa tartylǵan «Shymkent maı» jobasy búginde óz ónimderin eksportqa shyǵarýda.

Investorlardyń úzdik úshtiginde Germanıa, Polsha jáne Túrkıa elderi kósh bastap tur.

Aıta keteıik, tamaq ónerkásibin damytý maqsatynda Shymkentte qazaqstandyq pen sheteldik jetekshi kompanıalar qatysqan «AgroProm Shymkent 2016» kórmesi ótti.

Kórmede azyq-túlik jáne sýsyn túrleri, ydys pen qaptamany óndirýge arnalǵan materıaldar men jabdyqtar usynyldy. Sondaı-aq, shara barysynda «Ońtústik Qazaqstan oblysynda tamaq ónerkásibin damytý: úrdisteri men perspektıvalary» taqyrybynda dóńgelek ústel ótti. Onda barlyq qatysýshylar oılaryn ortaǵa salyp, damý joldaryn sóz etti.