Bul jóninde óńir basshysy QR Prezıdentiniń tarapynan berilgen tapsyrmalardyń oryndalý boıynsha ótken keńeıtilgen májiliste aıtty. Sonymen qatar, jıynda Shymkent qalasynyń ákimine qalanyń damý josparyna qatysty birqatar tapsyrmalar berdi, - dep habarlaıdy Qamshy.kz OQO ákiminiń baspasóz qyzmetine silteme jasap.

Shymkent qalasyn aglomerasıalyq ortalyq retinde damytý maqsatynda jáne qala halqyn azyq-túlikpen qamtamasyz etý úshin oblystyń aýdandary men Shymkent qalasynyń arasynda aýyl sharýashylyǵy ónimderin qaıta óńdeý óndiristerin qurýǵa baılanysty memorandýmǵa qol qoıylady.

«Qalany azyq-túlikpen qamtamasyz etetin agrarlyq sektorda shaǵyn jáne orta bıznes beldeýin qurýdy tapsyramyn. Sonymen qatar, jasyl beldeý qurý maqsatynda baqtar men orman aımaǵyndaǵy jerlerge tolyq tekserý júrgizý qajet dep bilemin, - dedi ol.

Sondaı-aq, Elbasynyń tapsyrmalaryna oraı, óńirdiń jáne aýdan, qalalardyń aımaqtyq damý kartasy jasalady.

Aıta ketý kerek, ósimdik sharýashylyǵynyń mańyzdy salalarynyń biri — baqsha sharýashylyǵy, dúnıejúzi elderiniń barlyǵyna derlik tán. Jyldyq ónimdiligi 600 mln t, onyń 70%-dan astamyn Azıa sharýalary ósiredi. Joǵary mamandanǵan baqsha sharýashylyqtary iri qala mańdarynda shoǵyrlanǵan. Al jemis-jıdek sharýashylyǵy tabıǵat jaǵdaılary kolaıly jáne kólik túrlerimen jaqsy qamtamasyz etilgen joǵary mamandanǵan arnaýly aýdandar quraıdy. Baqsha sıaqty bul da kóp eńbekti qajet etedi.