Qazaqstandyq bloger Aınur Nurseıit Antalıa - Almaty baǵytyndaǵy ushaqtyń bortynda bolǵan tóbeles úshin keshirim surady, - dep habarlaıdy Qamshy.kz Tengrinews.kz cilteme jasap.

Qyzdyń aıtýynsha, onda janjaldasqan áıelder toby bolǵan. "Ushaq bortynda bir áıelmen janjal shyqty. Ákemiz bizden bólek otyrdy. Ol kishkene ishimdik iship alǵan bolatyn, sondyqtan eshteńege aralasqan joq. Alaıda oǵan birneshe ret namysyna tıetin sózder aıtyldy. Ol ornynan turyp áıelge sondaı jaýap qaıtarǵan kezde, bir er adam ákemniń betinen judyryqpen uryp jiberdi. Biz sodan keıin bildik olar tanys nemese týys bolǵan. Meniń ákem soqqydan qashyp, eshqandaı jaraqat alǵan joq. Aqtaý qalasynyń sot medısınalyq saraptamasy ákemdi jeńil mas kúıinde boldy dep qorytyndylady.

Onyń aıtýynsha, onyń ákesi jaýap qaıtarǵan kezde urys-keris órshı túsken. Aınur Nurseıit óziniń ákesiniń áreketin durys emestigin moıyndady. "Árıne biz uıatqa qaldyq. WhatsApp messendjerinde meniń ákemdi jaǵymsyz etip kórsetken rolıkter tarap júr. Biraq meniń oıymsha, bul jaǵdaıdy tolyǵymen túsiný úshin basqa da rolıkterdi júkteıdi dep oılaımyn. Biz ushaq bortynda bolǵan barlyq jolaýshylardan keshirim suraımyz. Biz tynysh otyrýymyz kerek edi. Sonda barlyǵy durys bolar edi. Iá, basqalaı áreketter de jasaýǵa bolar edi. Biraq ol kezde jaǵdaı múldem basqasha bolar edi", - dep qorytyndylady Aınur.

Osyǵan deıin, Aqtaý qalasynyń Halyqaralyq áýejaıyna 12 qyrkúıekke qaraǵan túni Antalıadan Almatyǵa ushyp bara jatqan Atlas Global kompanıasynyń ushaǵy jedel túrde qonǵan. Túrkıanyń áýe kompanıasy osy reıspen ketip bara jatqan úsh adamdy tasymaldamaıtynyn aıtyp, aryz bergen. Olar alkogóldi ishimdikke mas bolǵan. Onyń shuǵyl osyndaı áreketke barýy borttaǵy tóbeleske baılanysty bolǵan. Tengrinews.kz tilshisi osy oqıǵanyń kýágerimen habarlasyp, jolaýshylar arasynda nelikten janjal shyqqanyn anyqtaǵan bolatyn.

Tekseris barysynda Almaty oblysynyń úsh azamaty ekeni anyqtaldy. Olar kóliktegi polısıa qyzmetkerlerine tabystalǵan. Olar usaq buzaqylyq baby boıynsha ákimshilik jaýapkershilikke tartylǵan.