Meksıkalyq boksshy Saýl "Kanelo" Alvarestiń múddesin qorǵaıtyn promoýter Oskar De La Hoııa onyń qazaqstandyq Gennadıı Golovkınmen kezdesýiniń qashan ótetinin aıtty, - dep habarlaıdy Qamshy.kz Vesti.kz. silteme jasap.

Promoýterdiń pikirinshe, "Kanelo" orta salmaqta judyryqtasýǵa daıyn bolǵanda ǵana qazaqstandyqpen qolǵap túıistiredi eken. "Adamdar Golovkın - "Kanelo" jekpe-jegin surap jatyr. Pakáo - Meıvezer kezdesýin olar 8 jyl boıy kútken. Jekpe-jek kelesi jyly ótedi, biz sol kezde daıyn bolamyz. "Kanelo" 154 fýntta judyryqtasady, al Goloovkın 160 fýntta. "Kanelo" orta salmaqta judyryqtasýǵa daıyn bolǵanda biz osy jekpe-jekti uıymdastyramyz", - dedi Oskar De La Hoııa.

Eske salaıyq, Golovkın orta salmaqta WBC belbeýin Alvares ıemdengen kezde onymen kezdesýge mindetti úmitker bolǵan edi. Al bıyl mamyr aıynda Ámir Handy jeńgen "Kanelo" rıngsaıdta turyp, Golovkındy jekpe-jekke shaqyrǵan edi. Alaıda birneshe kúnnen keıin meksıkalyq jurt kútpegen málimdeme jasady - ol WBC tujyrymy boıynsha álem chempıony tıtýlynan bas tartyp, belbeý Golovkınge ótken edi. 

17 qyrkúıekte Alvares WBO tujyrymy boıynsha birinshi orta salmaqtaǵy álem chempıony aǵylshyn boksshysy Lıam Smıtpen kezdesý ótkizedi.