Qasıetti Qurban aıttyń birinshi kúni, ıaǵnı 12 qyrkúıekte atymtaı azamat Ómirhan Altyn bastaǵan Eýropa qazaqtarnyń shalǵan qurbandyq maldarynyń etin Astana qalasynnyń áleýmettik jaǵadaıy tómen turǵyndaryna taratty,-dep habarlaıdy Qamshy.kz muftiat.kz-ke silteme jasap.
Sharany uıymdastyryp otyrǵandar Alashtyń ardaqty uldarynyń biri, din qaıratkeri Zýqa qajy Sábıtulynyń 150 jyldyq mereıtoıyn uıymdastyrý alqasy men «Zýqa batyr Sábıtuly qory» Qoǵamdyq qory. Arnaıy júk kólikterimen úı-úılerdi aralap, páter jaldap turyp jatqan jaǵdaı tómen otbasylarǵa qurban etinen aıttyq taratty.
Uıymdastyrý alqasynyń tóraǵasy, halyqaralyq táýelsiz jýrnalıs, qoǵamqaıratkeri Ómirhan Altyn: «Bul sharalar búkil ǵumyryn kedeı-kepshikterdi, jarly-jaqpaı men qýǵyn-súrgindegi aǵaıyndardy qorǵaýǵa, pana bolýǵa arnaǵan, el-jeri úshin shahıt bolǵan ataqty Zýqa batyr Sábıtulynyń 150 jyldyq mereıtoıy aıasynda uıymdastyrylyp otyr. Bizdiń Evropadaǵy aǵaıyndar bıylǵy qurban aıttyq qurbandyqtary men sılyqtaryn Qazaqstandaǵy daǵdarystan qıyndyq kórip otyrǵan elge jáne Monǵolıadaǵy sý tasqynynan zardap shekken aǵaıyndarǵa aranap otyr» - dedi.
Uıymdastyrý alqasynyń múshesi, táýelsiz jýrnalıs, aqyn Beısen Ahmetulynyń aıtýynsha, Astana qalasynda 58 qoı soıylyp, 250 den astam otbasyna úlestirilgen. Al Monǵolıa jerinde 600 den astam mal eti sondaǵy qazaqtarǵa taratyldy. Soınaı-aq kıim-keshekter men oqý quraldaryn da taratylǵandyǵyn jetikizdi.
Aıttyń ekinshi kúni, Qaraǵandy oblysy Osakorovka aýdanyndaǵy mektep oqýshylaryna eýropadaǵy balalardyń aıttyq syılyqtaryn tabystady. Atalmysh sharaǵa Osakorovka aýdanynyń ákiminiń orynbasary Alma Shalabaeva, jýrnalıs Albert Safýlın qatarly azamattar qatysty.
Osakorovka aýdanynyń ákiminiń orynbasary Alma Shalabaeva hanym óz kezeginde Evropadaǵy aǵaıyndardyń balalaryna ystyq yqylaspen sálemin joldady. Al, balalar úıiniń tárbıelenýshileri men tárbıeshileri konserttik baǵdarlama qoıyp, qonaqtarǵa alǵystaryn bildirdi.
Esterińizge sala keteıik, 1866 jyly Shyǵys Qazaqstan oblysynyń Zaısań óńirinde týǵan Zýqa batyr Sábıtulynyń 150 jyldyq mereıtoıy 12 elde, 30 dan astam úlken qalalarda talyp ótilýde. Zýqa batyr týraly 4 tarıhı derekti roman, 150 den astam zertteý maqalalary men 300 den astap kórkem shyǵarmalar jarálnǵan. Ótken ǵasyrdaǵy qazaq topyraǵynan shyqqan din qaıratkerleriniń biri.
