El ekonomıkasynyń tiktelip, damýdyń dańǵyl jolyna túsýi ár óńirdiń qosar úlesine baılanysty. Almaty oblysynda tek aımaqtyń ǵana emes, tutastaı qazaq eliniń ıgiligine aınalatyn ilkimdi jobalar jeterlik. Solarǵa bir zer salsaq.
Aýylsharýashylyǵynyń aýqymdy damýy
QANT ZAÝYTTARY
Bıyl qant qyzylshasyn óndiretin sharýalardy jergilikti búdjetten qoldaý arqasynda, 2014 jylmen salystyrǵanda egistik aýqymy 5 ese artyp 6,4 myń ga - dy qurady. Kóksý qant zaýyty jóndeýden ótip, iske qosyldy (“Kóksý qant zaýyty” JSHS). Maýysym aralyqta Kóksý qant zaýytynyń mamandaryn jumyspen qamtý maqsatynda Qarabulaq qant zaýytynda dúmbil - qant óńdeý josparlanýda.
Elimizde qantqa suranys jylyna 500 myń tonna bolsa, 2015 jyly Almaty oblysynda 15 myń tonna ónim óndirildi. Bul óz kezeginde tátti túbirge degen suranystyń, naqty óndirilgen ónimnen birneshe ese artyq ekenigin ańǵartýda. Sol sebepti, aldaǵy ýaqytta Aqsý qant zaýytyn iske qosýǵa túrtki bolýda. Aýqymdy jospar boıynsha, keleshekte oblysta qant óndirisin jylyna 50 myń tonnaǵa jetkizý kózdelýde.
Zamanaýı Jibek joly
«QORǴAS» QURǴAQ PORTY
“Qorǵas - Shyǵys qaqpasy” arnaıy ekonomıklyq aımaǵy. Onyń ıdýstrıaldy aımaǵynda qazirdiń ózinde jalpy quny 150 mlrd. teńge quraıtyn 69 joba tirkelip, 10 joba júzege asyrylýda. AEA sheńberinde qurǵaq port qurylysy aıaqtalýda. “QTJ” UK” AQ qarasty “KTZE-Khorgos Getway” JSHS 2015 jyly 6,9 myń konteınerdi óńdeýden ótkizse, bıyl bul kórsetkish 100 myń konteınerdi quramaq. Kásiporyn 2020 jylǵa qaraı, óziniń tolyq múmkindigin iske qosyp, jylyna 500 myń konteıner óńdeýdi josparlaýda.
Aýylsharýshylyǵyna jekemenshik ınvestısıalar tartý
PANFILOV AÝDANYNDAǴY ALMA BAQTAR
Búgingi tańda oblystaǵy jemis-jıdek baqtarynyń aýmaǵy 20 myń ga astam. 2014 jylmen salystyrǵanda, bul kórsetkish 4,8 ese artqan. Bul saladaǵy qarqyndy damyp kele jatqan mekemelerdiń biri “Jarkent-frýkt” JSHS óz esebinen 62,5 mln. dollar qarjy bólip, 1100 ga aýmaqta tamshylap sýarý ádisi qoldanylatyn ıntensıvti alma baǵy boı kóterdi. Sonymen qatar, “Astana Frýts” JSHS 127 myń túp alma, almurt, shıe otyrǵyzyp, olardy tamshylap sýarý ádisi boıynsha baptaýda.
Indýstrıalandyrý jáne jumys oryndary
KRAHMAL - SİRNE ZAÝYTY
Almaty oblysy júgeri ósirý boıynsha elimizdiń negizgi aýmaǵy jáne daqyldyń joǵary sapaly tuqymdaryn óndiretin jalǵyz aımaǵy bolyp tabylady. 2014 jylmen salystyrǵanda, búginde ónimdi ónirý kólemi 5,5 myń ga artyp, búginde egis aýqymy 76 myń ga jetken. 2015 jyly júgeri qabyldaý jáne ony keptirý úshin Panfılov aýdanynda 2 keshen ashyldy. Byltyr óndiris kólemin ulǵaıtýdyń arqasynda “Jarkent krahmal-sirne zaýyty” júgeri óńdeý aýqymyn jylyna 60 myń tonnaǵa jetkizip, bolashaqta bul kórsetkishti 100 myń tonnaǵa arttyrýdy kózdeıdi.
Daryn jáne talpynys
OQÝSHYLAR SARAIY
Bir aýysymda 1800 balany qabyldaı alatyn jańa oqýshylar saraıy óskeleń urpaqtyń jan-jaqty bolyp qalyptasýyna yqpal etpek. Bul úshin jańa ǵımaratta barlyq ınfraqurylym qarastyrylyp, bilikti mamandardan quralǵan ujym qalyptasty. Oqýshylar saraıynda 45 kabınet, 4 sheberhana, 8 zerthana, 3 kórme zaly, medıakitaphana, dybys jazý stýdıasy men observatorıa ornalasqan.
Jas qulshynys jáne myqty tyl
JASTARǴA QYZMET KÓRSETÝ ORTALYǴY
Memlekettik jastar saıasatyn tıimdi júzege asyrý jáne óskeleń urpaqtyń aldynda turǵan máselelerdiń túıinin tarqatý maqsatynda bıyl Taldyqorǵan qalasynda Jastarǵa qyzmet kórsetý ortalyǵy boı kóterdi. Eki qabattan turatyn ǵımaratta 24 jumys bólmesi, 3 leksıalyq jáne 1 kópfýnksıonaldy zal, antıkafe men fıtnes zal ornalasqan.
Densaýlyǵy bekem, qýatty el
KÓPSALALY AÝRÝHANA
Taldyqorǵanda boı kótergen 300 orynlyq kópsalaly aýrýhana qurylysy memlekettik “100 mektep, 100 aýrýhana” baǵdarlamasy sheńberinde qolǵa alyndy. Jobany júzege asyrýǵa búdjetten 9 mlrd. 371 mln teńge bólindi. Onyń ishinde 4 mlrd. teńgege magnıtti-rezonanstyq tomograf, eksımerdi lazer qondyrǵysy, barokamera jáne t.b. syndy zamanaýı medısınalyq qural-jabdyqtar alyndy.
Jalpy kólemi 33 885,6 sharshy metirdi quraıtyn medısınalyq mekemede 8 bólimnen quralǵan 143 dáriger men 533 medısına qyzmetkerleri jumspen qamtylǵan.
Qazaqstannyń ár azamatyna qamqorlyq
JETİM BALALARǴA ARNALǴAN ÚI
2015 jyly Taldyqorǵanda baspana kezeginde turǵan jetim balalarǵa arnalǵan 60 páterlik kóp qabatty úıdiń kilti tapsyryldy. Turǵyn úı qurylysyna búdjetten 348,5 mln. teńge bólindi. Sonymen qatar, byltyr Qarasaı, İle jáne Eńbekshiqazaq aýdanyndaǵy jetim balalarǵa “Asyl Arman” turǵyn kesheninen 100 páter bólindi.
Demalys jáne tynym
JASTAR SAIaBAǴY
Mádenıet jáne demalys saıabaǵynyń jalpy aýmaǵy 11 Ga astam. Munda oblys ortalyǵynyń basty mádenı-kópshilik sharalary uıymdastyrylady. Ol úshin saıabaq ishinde arnaıy sahnalyq jáne kórermenderge arnalǵan aımaǵy ornalasqan. Saıabaq ishinde áýendi sýburqaq pen ǵashyqtar eskertkishi ornalasqan. Jýyrda Jetisýdyń aqıyq aqyny, Han Táńiriniń muzbalaǵy Muqaǵalı Maqataevtyń eskertkishi ashylmaq.
Sáýlet jáne sán
KARATAL ÓZENİNİŃ JAǴALAÝY
Demalys orynynyń jalpy aýmaǵy 11,2 Ga, uzyndyǵy 1,4 myń metr. Jaǵalaýda balalarǵa arnalǵan 4 oıyn alańy, ekstrımaldy sportqa qolaıly roldrom, velosıped jolaǵy qarastyrylǵan.
Jaılylyq pen amandyq
OŃTÚSTİK-BATYS TURǴYN AÝDANY
Jalpy aýmaǵy 394 ga jerde 120 kópqabatty turǵyn úı, 9 balabaqsha, 5 mektep, Oqýshylar saraıy, JQO, 500 oryndyq emhana, Saltanat saraıy, kórme kesheni, Drama teatr, 16 qabatty qonaq úı boı kótermek.
Patrıotızm jáne maqtanysh
MEMLEKETTİK TÝ
Memlekettik týdyń tuǵyry 92 metr - memlekettik rámizder qabyldanǵan 1992 jyldyń nyshany. Týdyń kólemi 25H12,5 m. Týdyń uzndyǵy 25 metr - el Táýelsizdiginiń 25 jyldyǵyn aıqyndaıdy.
