Qyrǵyzstan prezıdenti Almazbek Atambaev Nú-Iorkte ótetin BUU Bas assambleıasynyń sesıasyna bara jatyp aýyryp qalǵan, - dep habarlaıdy Qamshy.kz VVS-ge silteme jasap. 

«Bishkekten Nú-Iorkke bara jatyp, (...) Qyrǵyz Respýblıkasynyń prezıdenti Almazbek Atambaev ózin álsiz sezinip, alǵashqy medısınalyq tekserýge júgindi», - dep habarlaǵan Qyrǵyzstan prezıdentiniń ákimshiligi.

Atambaev Ystambul áýejaıynan kelesi ushaqqa otyrar sátte syrqattanyp qalǵan.

Dárigerler Atambaevqa shuǵyl medısınalyq tekseristen ótý qajet dep uıǵarǵan.

«Aldyn ala tekserý nátıjesi boıynsha memleket basshysynda júrek aýrýynyń belgileri anyqtalǵan», - delingen Atambaevtyń baspasóz qyzmeti taratqan habarlamada.

Al, Nú-Iorkke qyrǵyz delegasıasyn eldiń syrtqy ister mınıstri Erlan Abdyldaev bastap barady.

Esterińizge salsaq, A. Atambaev 17 qyrkúıekte 60 jasqa tolyp, Bishkekte ótken TMD elderi basshylarynyń samıti mereıtoı toılaýǵa ulasqan bolatyn.

A. Atambaev 2011 jyly Qyrǵyzstannyń prezıdenti bolyp saılanǵan.