«Nur Otan» partıasy Kókshetaý qalalyq máslıhat janyndaǵy «TÚKSH ınfraqurylymyn, sý jáne jylý qubyrlaryn modernızasıalaý, turǵyn úı ınfraqurylymyn nyǵaıtý» baǵyty boıynsha búdjettik qarajattar jáne Ulttyq qor qarajattary maqsatty jáne tıimdi paıdalanýyn baqylaý komısıasymen Kókshetaý qalasyndaǵy «Qopa kóli jaǵasynda turǵyn úılerge syrtqy ınjenerlik jelilerdi qalpyna keltirý» obektisine (aýdany 128,9 ga ýchaskede) reıd jasady. Kóshpeli otyrys jumysyna komısıa múshesi, memlekettik qyzmetshilerdi qaıta daıarlaý jáne biliktiligin arttyrý jónindegi aımaqtyq ortalyǵyny dırektory Álibek Baımaǵambetov, «AP-Impeks» JSHS dırektorynyń orynbasary Jetibaı Jaqypov, komısıa múshesi, «Zelenostroı» JSHS dırektory, Aqmola oblystyq máslıhat depýtaty Gennadıı Osınenko, «Nur Otan» partıasy Aqmola oblystyq fılıaly uıymdastyrý-baqylaý bóliminiń keńesshisi Aıjan Ábishova  jáne «AP-Impeks» JSHS jumysshylary qatysty. 
 Atalǵan nysan  Qopa kóliniń jaǵalaýy jańa shaǵyn aýdannyń qurylys orny bolyp tabylady jáne jańartylǵan magıstraldi qubyrlar bolashaq turǵyn úı keshenine qosymsha jylý berýge  jáne oblystyq emhanaǵa deıin turaqty jylý tasymaldaý máselesin sheshýge múmkindik beredi. 
Nysannyń maqsattyq mindetine 70 turǵyn úıdi jylýmen qamtamasyz etý, sonymen qatar, 13,42Gkal/saǵ sommalyq jylý júktemesi jáne jobaly nysandardy 26,69Gkal/saǵ jylýmen qamtamasyz etý kiredi. Memlekettik satyp alýlardyń uıymdastyrýshysy retinde Kókshetaý qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi» MM bolsa, Bas merdiger retinde «AP-Impeks» JSHS bolyp tabylady.
 İs-shara barysynda «AP-Impeks» JSHS dırektorynyń orynbasary Jetibaı Jaqypov komısıa múshelerin atqarylyp jatqan jumystardyń barysymen tanystyrdy. «Atalmysh kezeńde qubyrlardy ótkizgennen keıingi jumystar jáne nysandy memlekettik qabyldaý komısıasyna daıyndyq jumystary júrgizilýde. Kelisimshart boıynsha qurylys-jóndeý jumystary 15 qazanda aıaqtalýy tıis, alaıda biz tapsyrys merziminen 3 apta alda kele jatyrmyz», - dedi ol. 
Komısıa músheleri ornatylyp jatqan qubyrlardyń jalpy uzyndyǵy jaıly suraqqa, Jetibaı Jaqypov naqty jaýap berdi: «Jobaǵa sáıkes aǵymdaǵy jyl úshin jalpy uzyndyǵy  2601 m qubyr jelisiniń qurylys-montajdaý jumysy josparlanǵan. Eger 2015 jyly 426,5 m jylý qubyr jelisi jóndelse, osy kezeń úshin 2134,5 m qubyr jelisi jóndelgen, bul óz kezeginde qurylys-montajdaý jumysynyń qarqynyn aıqyn kórsetedi». 
 İs-shara sońynda depýtattyq komısıa músheleri «AP-Impeks» JSHS jumysshylary men dırektory orynbasarynan qarjylyq jáne túıitkildi máseleler týraly surastyrdy. Jumysshylar men dırektor orynbasary jalaqylar ýaqytynda berilip jatqany jáne osy baǵytta «Nurly Jol» baǵdarlamasy óz septigin tıgizip jatqany jaıly aıtyp berdi.
 İs-shara sońynda Aqmola oblystyq máslıhat depýtaty Álibek Baımaǵambetov aıtqandaı, depýtattar aldaǵy ýaqytta mundaı kóshpeli otyrystar men kezdesýlerdi odan ári ótkizýge nıetti.
 Búgingi tańda «Áleýmettik ınfraqurylymdy damytý», «TÚKSH ınfraqurylymyn, sý jáne jylý qubyrlaryn modernızasıalaý, turǵyn úı ınfraqurylymyn nyǵaıtý», «Indýstrıaldyq, energetıkalyq ınfraqurylymdy damytý, shaǵyn jáne orta bıznes pen iskerlik belsendilikti qoldaý», «Kóliktik-logıstıkalyq ınfraqurylymdy damytý» jáne «Agroónerkásip keshenin damytý» baǵyty boıynsha Aqmola oblysynda «Nurly jol» baǵdarlamasyn júzege asyrýǵa Qazaqstan Respýblıkasy Ulttyq qorynan baǵyttalǵan qarjylyq aǵymdardy tıimdi jáne maqsatty paıdalanýyn baqylaý boıynsha depýtattyq fraksıa múshelerinen jasaqtalǵan komısıa erekshe ózektilikke, mańyzǵa ıe eken atap ótken jón.
 Komısıalar Elimizdiń Prezıdenti, partıa Tóraǵasy N.Á. Nazarbaevtyń tapsyrmasyn buljytpaı oryndaý boıynsha jumystardy uıymdastyrady. 
 
Jambyl Qyrǵyzbaı