Qyrǵyzstandaǵy Bishkek qalasynyń Epıskopy Danııl pravoslavty hrıstıandardy Almazbek Atambaevtyń densaýlyǵy úshin duǵa jasaýǵa shaqyrdy, - dep habarlaıdy Qamshy.kz sputnik.kg/ saıtyna silteme jasap.
Atambaevty Atatúrik áýejaıynan emhanaǵa alyp bara jatqan sýretterin BAQ ókilderi jarıalaǵan bolatyn. QR basshysy qyrkúıektiń 19 kúni BUU Bas Assambleıasyna baǵyt alǵan. Túrkıadaǵy Atatúrik áýejaıynda qyrǵyz delegasıasy kelesi ushaqqa otyrar kezde prezıdent ózin jaısyz sezinip, keýde tusy aýyrǵanyn aıtqan. Alǵashqy kómek kezinde dárigerler Atambaevqa tolyqtaı tekseristen ótýge keńes bergen. Túrik BAQ-tarynyń málimetinshe, qyrǵyzstandyq kóshbasshy medısınalyq tekseristen ótti. Emdelý úshin ol búginde kezekti demalysqa shyqqan. «Prezıdenttiń aýrýyna baılanysty, meniń bata berýimmen Qyrǵyzstan shirkeýlerinde onyń densaýlyǵyna arnalǵan ereshe duǵa oqylady. Barlyq beıbit adamdardy bizdiń basshy úshin keshirim tileýge shaqyramyn— deıdi Danııl epıskop. BUU Bas Assambleıasynyń 71-shi sesıasyna Qyrǵyzstan prezıdentiniń ornyna eldiń syrtqy ister mınıstri Erlan Abdyldaev barady.
